A poi bak ko, Ralkap le palek nih Hakha khua ah mino pahnih an tlaih hna

Thatlang lei in Hakha luhnak hauka, university chak gate ah ralkap le palek nih Hakha mino pahnih an tlaih hna tiah kan theih.

An tlaih hna caan hi zaanlei suimilaam 4:30 hrawng ah a si i, tlaih a tong mi hna cu Auto sang um Andrew Za Chin Lian le Khuahlun sang um Tha Cung Mang an si tiah kan theih.

Relchap: A poi taktak ko, Delhi ummi laimi caah cun thawngpang chia ngai asi..??

India ram cu Covid-19 second wave nih a den cuahmah. Nikhat ah Covid-19 zawtnak ngei minung ting 2 te hna an hmuh. India nih hin Brazil lonh in vawlei cung ah Covid-19 mizaw ngei tam bik ram pahnih asi.

Mah lio caan ah laimi um tam nak Delhi zong ah Covid-19 cu zual lei a panh chin lengmang.

Delhi Deputy Chief Minister Manish Sisodiya nih cun Delhi khuachung i a ummi siizung pawl nih Oxygen cu nazi 11-12 karlak deih lawng an ngeih cang tiah a chim. Delhi i siizung ngan ngan an timi hna zong nih Oxygen an i deih ti lo.

Central lei in oxygen thar dang kan hmuh lo si cun thilthalo a tlung kho tiah Deputy Chief Minister Manish Sisodiya nih cun a chim chih.

Tuni lawng ah Delhi khuachung ah Covid-19 zawtnak ngei thar minung 28,395 hmuh an si, mah hi Delhi ah Covid-19 zawtnak a thawk kaa in zawtnak ngei an hmuh tam cem ni asi.