A Poi Bak Si Hakha SAC Zung Rianttuan Tampi COVID-19 in an Zaw

Chin ramkulh SAC zung ah rian a ttuanmi minung tampi COVID-19 in an zaw, tiah thawng kan theih.

Zung rianttuan nu pakhat nih, “Zung ah cun a zawmi an tam ngaingai. Zawtfah le rimrua theih loin a ummi an karh. Nizaan ah minung pakhat zong a thi cang. Atu ah director pakhat telh in mi tam nawn sizung ah oxygen he a um hna,” tiah Mizzima ah a chim.

Zawtnak a ngeimi pawl hi Chin ramkulh cozah zung cungdot ah SAC upa pawl he naihniam in rian a ttuan deuhmi pawl an si hna.

July thlathih lei ah Chin ramkulh SAC nih zung rianttuan pawl COVID-19 runvennak sichunhnak an tuah ko nain zung rianttuantu chung in mizaw ruah lo piin an hun karh hi a si. Cred : The Chin Journal

Relchap ding : Shwebo peng ah Facang Cinnak kongah khuami Harnak An Tong

Shwebo peng ah Facang Cinnak kongah khuami Harnak An Tong Sagaing ramthen, Shwebo peng le Depeyin peng khua cheukhat hna cu lo riantuan mi hna rallokap hna nih hmun hm an khuar i khua chung ah lut in mipi cu an tlaih hna an kah hna ruang ah furcaan facang cinnak kong ah harnak an tong.

Rallokap nih khuachung ah hmun an khuar ruangah lo riantuan le pum pawcawmnak caah riantuan mi zong inn ah an tlun ngam ti lo tiah Shwebo peng Pahliang khua mi lo riantuan pakhat nihchim.

Rallokap hna nih tlaih le kahnak ruang ah Depeyin peng Kyi khua, Me Oo,Niang Kyi Kung, Let Yaa Kung, Mu Kah Tun, Ngiang Hlah,Tayat Taw, Wine Kyi hna khua leng ah Shwebo peng ah Pa Line, Kun Sik khua hna khua 20 hrawng cu lei riantuan kho lo in inn le lo thilri cu kal tak in an zaam tak dih tiah theih a si.

The Chin Post