June 14 ah khan Shan ram chak lei Mantung pengah Kachin Lisu nu 2 cu Paa an kawlnak ah ralhrangbu nih an tlaihhrem.
Meh a kawl mi nu hna hi kum 26 le kum 20 mi an si. Ralhrangbu hi minung pazeizat an si, zei tatyin dah an si cu kan theih lo. Nu 2 hna hi an himnak hmunah kan chiah hna ko tiah khuami pakhat nih a chim.
Kan hnu June 10 zongah phungki inn ah umhmun a khuar mi ralhrangbu pakhat nih kum 13 lawng a si rih mi phungkinu pakhat cu tlaihhrem a rak si cang.
Relchap : Mizoram khuapi hmasabik Selesih 7000 (Zawlsei) khua ah Ralzaam umhmun tuah a si lai
Kawlram buai ruangah Mizoram lei a rak zaam mi ralzaam hna umhmun cu Mizoram khuapi hmasa bik Selesih 7000 (Zawlsei) khua ah sak a si cang lai.
Atu hi hmunhma Zawlsei khuami nih a hmunhma ding an zoh lio a si i, a rauh hlan ah sak khawh a si cang lai tiah theih a si.
Zawlsei khua hi Champhai district khawbung le Khuangthing khua karah a um mi a si. 1980 kum hrawng Mizoram High School cauk ah Mizoram khuapi hmasa bik “Selesih Sangsarih” khua an rak ti mi a rak si.
Zawlsei khua hi Krihfabu pakhat (Mizoram Pesbyterian) lawng um nak khua a si. Mizo lawng khuasak nak khua a si i, atu ah inndong 105 an um tiah theih a si. Credit : The Chin Post
Leave a Reply