A Poi Ko E: Ralhrang Phu Nih Tihnung Hriamnam An Hmang Tak Tak Cang E

Tu kum dohthlennak cu hriamnam in rampumpi ah dohthlennak tuah a si tikah ralhrang phu lei in ni chiar a thimi an tam. Cu tikah ralhrang phu nih Khemikal hriamnam hi an hmang sual ahcun tiah phang ngai a si. Atu cu a tak ah an hmang cang. Karenni ramkulh, Demawso myone cu minung khuasaknak sang chung ah SAC ralhrang phu nih,

Khemikal bomb (asiloah) meikangh bomb tiah ruahmi hriamnam an kah tiah mithmutu tehte hna nih an chim tiah DVB nih a tarlangh. Bomb cu Demawso, Dawngankha sang chung minung umnak inn pawng ah a tla. A tlaknak ah meikhu a rangmi a tho thluahmahmi kan hmuh. Bomb a tlak hnu ni 5 a rau hnu ah kan zoh than tikah,

Bomb a tlaknak hmun in meikhu a chuak rih” tiah mithmutu tehte hna nih an chim hi a si. Khimikal bomb (asiloah) meikanghnak bomb an tlanak hmunhma cu Demawso khuapi, No. 2 sang, inn number B 2/70A dum chung ah a tla i a puak ti si. Ni 5 a rauh tiang bomb pelpoi in meikhu a rangmi a chuak rih i, meikhu nih a tongh khawhmi thinghnah pawl an ro dih i,

Meikhu a dawp sualmi pawl an hrawm a thak i an ri ti zong in an chim chih. “Bomb a tlaknak pawng in Thawpat kung cu a hnah vialte a ro dih. Bomb meikhu rim kan dawp sual bak ah kan hrawm a thak. Kan lu ri bantukin kan um i a tuar a har” tiah khuami nih an chim. Karenni ramkulh ah an khualipi a simi Loikaw le Demaws myone chung cu SAC ralhrang phu nih,

Offensive in an phomh ruangah mipi ralkap phu he kahdohnak a chuak peng ve. Kahdohnak ah SAC ralhrang phu lei in vanlawng tiang in bomb an thlak hnawh bang in hriamnam ngan zong in an kah ruangah khuami a thimi le hliamhma tuar zong an um hna. Cu pinah tanglei ke ralhrang pawl zong nih sualnak ngeilo mipi an tlaih i an thah hna pinah,

An inn lo tiang an khangh piak hna tiah khuami nih an chim. Ralhrang pawl nih mizapi hmuitinh in an doh caah Karenni ramkulh chung ah mipi ting 1 leng cu an inn lo kal tak in ral an zam hna tiah theih a si. Karenni pawl cu MAH ralhrang phu nih cu tluk in an kah an doh nain an tei khawh lo caah MAH uico rual nih daihnak ser ding in a sawmmi zong an si. Ref: DVB