Sagaing ramthen, Kathar district, Htigyaing myone chung i Kyunpinthar khua pawng ah SAC ralhrang phu le local PDF phu kar kahdohnak a chuak i cu kahdohnak ah Htigyaing PDF pasaltha 7 nih ram le miphun ca ah an nunnak an pek tiah theih a si. Htigyaing PDF he aa dohmi ralhrang pawl cu Kyunpinthar khua pawng ah hmunhma a khuarmi ralhrang pawl an si i,
A liamcia January 12 ni zanlei i an rak dohnak ah Htigyaing PDF lei in hi zat an thih hi a si. Htigyaing myone in Htiphu ralkap (Tatphoih) chungtel pakhat nih cun “Kanmah lei in phu 3 in kan i then i kan va dohmi a si. Tutan kahdohnak ah kanmah lei in minung 7 an nunnak a liam. Kanmah lei in a thimi minung pakhat ruak cu kan i doh ni lila ah kan lak khawh.”
“Chuk le cho kan tli pah i kan i then dih. Cu hnu nidang ah kanmah lei in midang mithi ruak pawl kan va char than hna. An dihlak in tlangval no tete lawng an si dih. Kum 18 minung 2, kum 21, kum 22, kum 23 ti bantuk hrawnghrang lawngte an si hna. Ram lak ah an ruak kan vui ta dih hna” tiah a chim hi a si.
Minung thazaang 80 hrawng he ral a rak dohtu ralhrang pawl cu Htigyaing myone, local hriamtlai Htiphyu Tatphoih pawl an sakhan umnak hmun ah January 12 ni chun le ni 13 chun ah kahdohnak a chuakmi a si i, cu kahdohnak chung ah SAC ralhrang lei in mithi an um ve bantukin Local PDF phu lei in minung 7 an thi ve hi a si.
Nain cu kahdohnak chung ah SAC ralhrang phu lei in pazeizat an thi timi langhter chih a si lo. Tutan hi mipi ralkap PDF phu tampi an thihnak thawngpang a si. Mipi caah cun sunghnak nganbak a si. Sagaing ramthen, Kathar district chung hi ralhrang phu nih biatak tein ral an dohnak hmunhma a si. Ref: The Chin Show
Leave a Reply