A poi tuk e, ralhrang kawl ralkap nih Actor Zin Wine an tlaih

Actor Zin Wine cu tuni April 15 zanleisang ah inn ah an rak tlaih tiah a fapa nih social media ah a tial.

Actor Zin Wine cu ralkap nih uknak an lak ni thok in duhlo langhternak ah a teltum ve mi lemcangthiam pakhat a si i pohmah 505(a) in tlaihding cazin ah min chuahpiak a tong ve mi asi.

Tuni tiang ah pohmah 505(a) in tlaihding cazin chuah mi lemcang/singer hna lak ah minung (7) an tlaih cang hna.

Relchap: Monywa Ralkap Dokalhnak Hruaitu Ko Wai Moe Naing an tlaih

Ko Wai Moe Naing cu, April 15 chunhnu 2:00 tluk ah ralkap nih an tlaih. Duhlonak langhter ding in a rat lio ah, ralkap nih motor in a pah i an tuk an velh hnu ah hramhram in an tlaih hi a si.