Ralhrang nih an hnek tuk hna caah Myintmyat Saetana mibawmchan tu phu cu an rian an ngol Ayarwady ramthen, Zalun khua ah Myintmyat Saetana ( ျမင့္ျမတ္ေစတနာ) mipi bawmtu phu cu midang bawmhchanhnak rian an tuan nak ah ralhrang phu nih stress an pek tuk hna caah mibawmchan tu rian an tuan mi cu rikhiah um lo in an i din cang tiah theih a si.
Nawlngeihak la tu ralhrang phu hna nih Covid-19 mizaw bawmhchanhnak kong ah rikhiah piak in le mizaw le nunnak a liam mi hna thawngpang thuhter nak hna an tuah ter hna caah atu bantukin rikhiah um lo in kan i dinhnak hi a si tiah chungtel pakhat nih a chim.
” Bu chung riantuannak ah an kan hnek tamtuk caah mi bawmhchanh nak rian kan tuan mi hi nihin thawk in, ni riakhiah um lo in kan i din cang.Yangon in mi bawmchan tu ngakchia pawl zong ka thlah than cang hna, zei ti hmanh in ngeihthiam khawh a si lo caah kan ngol nak hi a si, mipi hna caah bawmchan kho tu dirhmun in ka dir khawh ti lo caah kan ngaithiam ko uh” tiah a chim.
Myintmyat Saetana (ျမင့္ျမတ္ေစတနာ) mi bawmhchanhnak hi mino hna nih an tuah mi a si i,motor accident tel in pawngkam ral hna le Covid-19zawtnak runvennak ding caah Zalun khua ahcun bochan tuk mi bu an si caah atu bantukin rian an i dinh mi hi khuachung caah a sung ngai tiah khuami pakhat nih a chim.
Ralhrang nih nawlngeihnak an lak hnu ah ramchung pengkulh ah a um mi khua cheukhat pawl cu mibawmchan tu phu zung ah ralhrang hna nih luhhnawhnak le hneknak pek a tam tuk caah mipi bawmchan dirhmun ngol in a um mi phu tampi zong an um cang tiah theih a si.
The Chin Post
Leave a Reply