CDF-Kanpalet le Ralhrangbu an in Kap, Ralhrang 6 an Thi-Nizan May 29 ni ah Saw peng Letmon khua leiin a rak kai mi ralhrangbu 150 hrong le Kanpalet-CDF he Khwelungta le Makya, Hleksung khua ah an in kap. Ralhrangbu 6 an thi tam ngai hma an pu, CDF 10 hma an pu, pa 3 cu an hma a fak tiah theih a si.
Mah kong he pehtlaihin khuami pakhat nih Nizan zanin ralhrangbu lei nih an va nam caah Hlesung khua ah Kanpalet-CDF pawl he an in kap. Nizan in a tutiang an in kap cuahmah rih ko. I kahnak a fak ngai.Ralhrangbu nih meithal ngan he a peh in an kah caah ralzaam pawl um nak an ngei ti lo tluk a si cang tiah Khit Thit Media sinah a chimh.
Tuchun zong Kanpalet Lauknu lei zong i kahnaka um than. Ralhrangbu nih meithal ngan an kah caah Mipi hma a pu mi 4 an um, Magwe ramri Yeshin, Kyauktong, Letmon lei ralhrangbu pawl tampi umhmun an khuar tiah theih a si. Source; မင်းတပ်မြို့ပြည်သူအုပ်ချုပ်ရေးသတင်းအဖွဲ့ credit: The Chin Post
Thawngpang dang relchap: Covid Zohkhenhnak He Pehtlai In Cikha Sii-Inn Ah Harsatnak An Tong-Cikha ah Covid-19 Mizaw pa 7 an hmuh hnuah Cikha Sii_Inn cu harsatnak tampi an tong an buai,chun zaan in sii-inn ah mizaw a zohkhenh tu Chief Nurse le Lab Technician Lun Za En nih a ti.
“Oxygen, thilri le mei zong duhningin hman ding kan ngeih lo pinah mizaw phorhnak mawtaw zong thathi in kan ngei lo. Siibawi zong kan i daih lo, Sii-Inn riantuan minung 11 ah atu minung 3 lawng rian kan tuan” tiah a chim.
Ralhrangbu nih uknak a lak hnuah Siibawi tampi cu CDM ah an luh caah Sii-Inn tampi cu riantuantu an um lo caah khar a si. Pi Lun Za En nih Cikha ah minung 24 ah kan hmuh mi lakah pa 7 hi sii-inn ah zohkhenh a hau mi, a zual deuhmi an si tiah a ti. Cikha hi Chin ramkulh India ramri he meng 6 lawng a hlat mi khuapi pakhat a si. Atu ah Stay at Home ah thanh a si. Sources:reuters. The Chin Post
Leave a Reply