Fegbruary 6, 2022: Nihin Ah AA Le Ralhrang Phu An Phomh Than Hna: Arakan ramkulh, Maungdaw myone, Mitaik khua in nichuak lei ah SAC ralhrang phu le Arakan Army AA kar, nihin February 6 ni zong kahdohnak a chuak tiah Local media a simi Western News nih a tarlangh.
Nihin February 6, zanlei suimilam 3 hrawng ah voikhat, suimilam 4pm hrawng ah voikhat, tiah nihin lawng ah kahdohnak voihnih a chuak i, tlawmpal ah hriamnam ngan kah thawng pehzulh in kan theih i, zanlei suimilam 6 hrawng ahcun puah thawng a dai” tiah khuami pakhat nih Western News ah a chim ti si.
Kan hnu February 4 ni ah SAC ralhrang phu cu Arakan Army AA pawl hmunhma an khuarnak sakhan pakhat ah a ruang um loin an lut caah kap hnih kar kahdohnak a rak chuak i, AA lei in pakhat a nunnak a liam tiah theih a si. Cu ni kahdohnak ah SAC ralhrang phu lei a thimi an um nain a zat theih a si.
AA le SAC ralhrang phu an i kap lonak hi a sau ngai cang. Kan hnu February 4 ni an i kap i, SAC ralhrang pawl an cawlcang ning zoh chih in an thazaang hna an chap peng rih ko ahcun a herh ning in kan cawlcang ve lai tiah Arakan Army in chimhnak nawlngeitu U Khaing Thu Khah nih a chim cang.
Arakan ramkulh, Maungdaw myone thiamthiam, chaklei khua pakhat nih Rohingya Soliditary Organization (RSO) hriamtlai phu le SAC ralhrang phu zong kan hnu February 4 ni an i kap ve. SAC ralhrang lei in 6 hrawng an thi i, an hriamnam cheukhat zong RSO phu nih an chuh khawh hna. Ref: DNA
Leave a Reply