An Pasal Ciam Mam Ko Kawlralkap Nih Rian An Kinh Mi Bak Cu An Cohlang Duh Bak Lo

Pu Ral Kham le Dr. Thla Cung nih Ralkap Rian Khinhmi an Cohlang Lo Hakha khuapi tthanchonak rian a ttuantu ding Committee chungtel ah Chinram SAC Chairman Pu Ngun San Aung nih Hakha khua upa 6 rian a khinh hna i minung pahnih nih atu tiang ah an cohlang lo, tiah kan theih.Dr. Thla Cung nih, “Kei cu mah rian hi ka cohlang lo ka ti ko kha. Ka Facebook zong ah zapi theih in ka ttial ko,” tiah The Chin Journal ah a chim.

Pu Ral Kham cu The Chin Journal nih kan pehtlai kho lo nain a tunu pakhat nih “Rian an khinhmi a cohlang lo” tiah nihin a chim.Hakha khua upa Dr. Thla Cung, Pu Ral Kham, Pu Cung Hu, Pu Thawng Kian, Pu Chum Ling le Pu Thla Bik cu Pu Ngun San Aung nih rian a khinh hna nain micheukhat nih, “Kanmah chimh ta loin rian a kan khinh. Ca a kan pek hnu lawng ah riankhinh kan simi kan i thei,” tiah an chim. The Chin Journal April 12, Hakha

Thawngpang pang danrelchap: |CDM|1}Zeizong vialte sertu/ tuah khotu Pathian nih khan Noa kha lawng ser cia a pek khawh ko, Sihmanhsehlaw, Noa cu lawng ser dingin a fial ko. Rumnak kan hal ahcun kan hmai Ka ah Phaisa tawm a kan pe lai lo, Kan rum khawhnak dingah Rian tha maw? Idea tha maw a kan pek lai i cucu kan tuan chuah a herh ve!

2}Kan ram le kan Miphun thatnak ding caah kan hal lio ah hin Bawipa nih Kan hmaika ah Uknak tha le Cozah tha a kan pe colh lai lo, Cu kan halmi kan hmuhnak dingah Tuan chuah ding a kan pekmi Rian kan tuan chuah ve a herh. Kan tuan ning a khat lai lo;A then nih CDM telnak in Chawva peknak in, chimnak in, tialnak in Etc…

3}Kan thil tuahmi dihlak cungah Hlawhtlinnak na hmuh dih hrim hrim lai ti cu kan kamh hngam hna lo. Nain,Pakhat hmanh tuahmi ngei loin na um a si cun Hlawhtlinnak cu zeitik hmanh ah na hmu kho lai lo ti cu kan kamh hngam.Note- “Na dawt lo zongah na pek khawh, Sihmanhsehlaw, Na dawt taktak ahcun pek loin na um kho lai lo”.“Love is never fail! Love build Up”