Rakhine Ram Ah Covid-19 Third wave In A Thi Mi Second Wave Nakin Let 4 In An Tam Rakhine ram ah 2021 may 12 in a thawk mi covid-19 third wave ruangah a thi mi cu July 28 tiang thla 2 deng chungah 146 an si.
Mah hi second wave 2020 August thla 16 in December tiang thla 5 chung a thi mi 37 nakin a let 4 a si tiin ngandamnak lei thawngthanhnak in theih a si.
Third wave 2 chung le second 5 chung a thi mi let 4 hrawng a si nain covid-19 vennak caah riantuantu hna nih chuahmi zulhphung hna a zulh lo mi an tam caah zawtnak hi atu nakin a karh kho te men lai.
Atu Rakhine ramkulh ah covid-19 zawtnak in a thi mi hi nikhat ah a tlawmbik minung 8 tluk an si.Sittwe khuapi chung dirhmun ka zoh tikah hmaihuh (mask) hmanh tha thi in a hup lo mi an tam ngai.Mah ning a si ahcun zawtnak hi a tu nak tam a karh kho rih lai tiah kan tuah” tiin Rakhine Covid-19 Watch tuanvo ngeitu Ko Zaw Hlaing nih a chim.
Myouk-u ahcun AA nih covid-19 kong cathanhnak an tuah hnu ah mipi tlawmpal nawl an ngai deuh.A hlan ahcun innchung ah um hrim an duh lo.Zuu dawr hna cu mi an tam peng rih ko.Mah hi a poi ngai mi a si.Hi kong hi bu dangdang zong nih zeihmanh an chimrel mi a um rih lo tiah Myouk-u mino hruaitu Ko Aung Min Kyaw nih a chim.
May 12 in July 28 tiang Rakhine ramkulh chung covid-19 mizaw 2000 deng le a thi mi 146 an si. Mizaw tambik nak cu Sittwe a si i mizaw (501) le a thi tam bik nak khua cu Tongkok a si i, minung 40 an nunnak a liam cang.
Mepung le Yanbyet hna cu covid-19 ruangah a thi mi a um rih lo nak peng an si i, Mepung ah mizaw 21 le Yanbyet ah 67 an um tiah Rakhine cozah ngandamnak lei cazin ningin theih a si.
Credit The Chin Post
Leave a Reply