Aralaimi 2022 kum, April thla thok in SAC ralhrang hruaitu Min Aung Hlaing le a hawile SAC hruaitu hna cu rawkralnak (sunghnak) an tong lai tiah hmailei caan zohthiam (astronomer) pakhat nih a chimhchun cang. Tu kum 2022 kum ca i, astronomers pawl nih an cuanh chun ning ah aa phundang ngaimi kum a si i, thlennawnnak nganpi a um lai i, 2022 kum planets (hmailei a cang dingmi ca in an zoh chihmi arfi) pawl an dir hmun aa dang ngai tiah a chim hi a si.
“2021 kum, December 5 ni thok in SAC a dohtu mipi thinlung a hung sang ngai i, December thla chung ah kahdohnak fah a chuah ve. January thla thok in thla cheu taing, SAC ralhrang a thimi an tam caan a si lai. 2022 kum, January zarhhnihnak ah SAC ralhrang nih palai he pehtlaih in (diplomacy) milem suai in hlennak a tuah lai. Nain 2022, January thlalai ah mipi thinlung a hliphlautertu thawngpang thatha theih hram thok a si lai.”
“Ramdang bawmhnak zong hmuh a si lai. February thla le March thla ah palai (diplomacy) he aa pehtlaihmi raldohnak, hriamnam raldohnak pehzulh in a um lai” tiah arfi zohthiam (astronomer) nih a chim hi a si. Mipi nih teinak a hmuh lainak cu February thla dong lei ah aa thok lai i rang ngai in hlawtlinnak an hmu lai. 2022 kum, April thla thok in Min Aung Hlaing le a hawile SAC hruaitu pawl an sung thluahmah lai (an rawkral lai) tiah a chim chih.
“2022, February thla dongh lei thok in riangrang ngai mipi teinak cheukhat aa thok lai. March, April hla ah hriamnam raldohnak a fah lai. 2022 April thladongh lei thok in mipi le Democracy kong ah thlennawnnak a um lai i, mipi lei nih caan rau lo tein teinak an hmu lai” tiah arfi zohthiam nih a chim chih ti si. Kawlram kum relnak 1384 kum caah a chimh chunmi Mandalay Maha Tician ca ning in Min Razar le Miphayar phu hna (ram hruaitu pawl) nih harnak an tong lai ti a si.
Cu pinah Min Razar pawl phu nih upat ngai in an biakmi phungki thiamsang hna, anmah le anmah kar buaibainak a chuak lai i, an hmunhma aa thialkammi pawl caah ti lam in siseh, tlang lam in siseh, harsatnak an tong kho ti si. Phun dang in chim ahcun khual a tlawngmi pawl cu ti lam in siseh, tlang lam in siseh harsatnak an tong kho tiah Tacian ca ning in an chimhchun hi a si.
Mipi lei zong theih dingmi cu ram inn pa hna tiang a hnorsuan kho i, facang le ei le din dangdang harsatnak a um kho tiah an chimh chun hi a si. (Note: Kawl in an tialmi aa tlak ning in leh chinmi a si.) Ref: KTM
Leave a Reply