Zahan zaanṭim ah SAC ralkap pawl nih Chin Oo Si sangum Myanmar Economic Bank le Chin State Cozah Zung (atu lio SAC Zung) pawngah bomb le meithal voi tam tuk an puah caah pawngkam mipi ther le phang in an zaam hna.
Cuka pawng ummi mipi vialte rianrang in sang dang an chungkhat sinah an zaam thluahmah hna.
Mi tam deuh cu zahan zaan ah an zaam dih cang hna. A zaam kho rih lomi tlawmpal zong atu hi rianrang in sang dangah an zaam cuahmah hna liopi asi.
Hakha mipi an himnak hnga thlacam bawm cio hna usih. Cred Thechinexpress
RELCHAP DING : Hleku (လွည္းကူး)Volunteers 4 Cu Ralhrang Nih An Tlaih Hna
Hleku ah Volunteers tuanmi mino 4 cu September 8 nizaan ah an tlaih hna.Hriamtlai ralhrang le palek hna cu thilthuam sawhsawh in zaan suimilam 12:00 hrawng ah Hleku , Myoma veng ah (ၿမိဳ့မ ေမတၱာ) chiatthat ah bawmchantu phu cu an phan i phu dirh tu telh in minung 4 cu an tlaih hna i mi harsa bawmhnak mawtaw 2 le an kut tlaih phone hna an chuh dih hna tiah khuami hna nih an chim.
Myoma Metta chiatthat bawmtu phu cu August thla in dirh hram an thok i Myoma veng chung ah mizaw hna cu Siikhan, Siizung ah an va thlah hna , Mask pawt, Sii kah , eidin pawt nak hna an tuah.
Ralhrang lei thawngthanh tu Dalan an tam tiah khuami hna nih an chim nak Hleku ah peng 5 cu ralhrang hna nih kinhmi khuabawi hna inn cu ralhrang hna nih Security an chiah hna tiah theih a si. Cred : Thechinpost
Leave a Reply