Hakha khua ah meithal thawng pehtlai in a thang than
September 14| Hakha khua hmun tam nawn ah 8:30 in atu 9:15 PM tiang bomb asiloah meithal puah thawng pehtlai in a thang than.
“A puahka ahcun Chin Oo Sii le Dawrthar hrawng in a si. Cun, SAC ralkap umnak Rungtlang (266) le Khuathar zong ah a puak thluahmah than. Meithal thawng cu a fiang. Cun, bomb thawng zong aa tel ko. Bomb an puahchih ko lai dah,” tiah khuami nih The Hakha Times ah an chim cio.
Nihin September 14 zaanlei tekhan Hakha Zungkipfonh (Suhpawng zung) hrawng ah SAC ralkap an khat cang, tiah kan theih. Nizaan nai zaanlai ah puahkehnak siseh, Hakha Khuathar ah mi tlaihkhihnak siseh, SAC nih an tuah cuahmah. The Hakha Time
Relchap : Mtaingmyah ah PDF Nan Si Tiin Mipi 3 Ralhrang Nih An Tlaih Hna.
Mtaingmyah ah PDF Nan Si Tiin Mipi 3 Ralhrang Nih An Tlaih Hna.
Yangon in Myaingmyah ah a rak tlungmi mi sawhsawh 3 cu PDF nan si ko tiah September 13 zaan suimilam 9:30 pm ah Myaingmyah khualuh hauka chek gate ah ralhrang nih an tlaih hna tiah theih asi.
“Rian herh ah Yangon in a rak tlungmi Maingmyah khua Kaankaw sang ummi Ko Wai Mon Kyaw( Naing Win) le Ko Win Min Aung (Thar Gyi) le Yangon in Ko Myo Lwin Oo( Myo Gyi) hna cu Kayin ram ah ralkap training nan kai ko tiah ralhrang nih hramhram in an puh hna i an tlaih hna hi asi” tiah khuami pakhat nih a chim.
”Mah tein rian herh ah a rak tlung komi Ralkap training zong an kailo. Hlan deuh balte ah Sandah piah ah an i tel ve tawn dalaan pawl nih lih le lih in thawng an thanh hna caah an tlaih hna hi si theo lai” tiah khuami pakhat nihcun a chim chap. The Chin Post
Leave a Reply