Hakha in Thantlang karlak ah mizapi nih zinglei suimilam 7:30 hlan ah le zaanlei suimilaam 5:30 hnu ah khualtlawn hrimhrim ti lo ding a si lai. Chun tu ahcun zalong tein tlawn khawh a si ko lai.
Ralhmun ah kan um cang i mizapi him nakding ca ah CDF nih zulhding kan chuah mi hi mizapi nih nan kan zulhpiak naklai kan in NAWL hna. CDF-THANTLANG The Hakha Time
Relchap : Champhai District (East Tuipui ramkulh) Ah Myanmar Leiin Luh Sian A Si Rih Lo
Myanmar leiin Mizoram a lutmi tam deuh cu Covid-19 positive an si caah Champhai District (East Tuipui ramkulh) chungah Mizoram chung a dor duhmi luh sian a si rih lo.Champhai District hi Mizoram le Myanmar ram pehtlaihnak lam a tam caah hika leiin Mizoram a panhmi hi an tam.
East Tuipui ramkulh chung ahhin atu dirhmun ah Covid-19 zawtnak a ngei liomi 592 an um,tiah Tuipuiral Group YMA president PC. Lalramenga nih cun a chim. Mizoram ah aa dormi hna lakin Covid-19 zawtnak a ngeimi fiang tein record a um lo nain,Farkawn khua ah 35, Bungzung khua ah 6, Vaphai ah 5,an dihlak in 46 nak tlawm lo an si lai, tiah zumh a si.Mizoram ah aa dor dingmi hi zarhkhat hrawng cu a lutmi an um ti lo.
Hi lio ahhin Farkawn,Zawlsei,Vaphai, Khuangthing, Dungtlang, Thekte, Thekpui, Leithum, Sasih, Sazep, Khuangleng le Vanzau ahcun aa dormi hna umnak ding ah relief camp an sak dih cang.A dihlak hin minung thonghnih(2000) a tlum lai, tiah ruah a si. Hi relief camp hi quarantine center, zawtnak check-nak hmun le a herhning in hman a si lai i, chungkhat cingla ngei lomi nih caan sau deuh an um khawhnak tiangin tuaktan a si. The Chin Post
#Tluanga Zaathang
Leave a Reply