Ngaih a chia tuk hringhran ko mu. Nusaltha hna cu ram le miphun caah kawl ralhrang hna kutin an nunnak liam ruangmang cang hna tiah thawngpang theih asi cang.
Hi thawngpang hi Chelsea Bawi nih GRCM ah a rak tialmi chung in charhchan kan lak mi asi. Ram le miphun caah nunnak a petu Nusaltha hna upatnak sangbik kan in pek hna.
Ralhrang nih an luhhnawhmi PDF camp 3 i medical team lakah ka hawipa fanu 1 le adang pa 2 ruak cu tunai ahkhan an hmuh hna i an ruak zong nulepa hmanh nih hmu kho lo tein an vui e.
Relchap : Yesegyo Ah NLD Tanhtu Inn Pakhat Bomb In An Cheh, Mi 4 An Thi
Magway ramthen Yesegyo peng Htin Tan (ထင်းတန်း) sangah a ummi NLD tanhtu Ko Aye Hlaing timi pa inn cu Nov 17 zaan ah thiltom bantukin tuammi bomb in aho ti theih lomi hna nih an cheh i mi 4 an thi colh tiah theih a si.
Khuami pakhat nih cun “Zan suimilam 10 hrawngah an inn kulh chungah bomb cu an cheh. Innchung i a ummi hna nih cun thilfun sawhsawh ah an ruah i an samh tikah bomb cu a puak. Ko Aye Hlaing cu siizung phanhpi manh a si nain siizungah a nunnak a liam. Cun nupi, kum 20 a simi a fanu le an innpa nu hna zong a hmun ah an thi colh” tiah BBC ah a chim. Credit : The Chin Post
Leave a Reply