Thantlang ah khualak aa chok mi SAC ralkap nih meithal in an kah hna
September 18| Thantlang Sianginn Sang ah aa chok mi khuami cu SAC ralkap nih meithal in an kah hna, aa hliam mi an um hraw lo tiah kan theih.
“Sopum lei in Thantlang khua luhka, Hotel in Bus terminal (Car-gate) kar hrawng, cun BEHS No.1 sianginn pawng hrawng ah khualak aa chok mi poh SAC ralkap nih an kah hna i aa hliam mi tu cu an um hraw lo,” tiah khuami pakhat nih The Hakha Times ah a chim.
Atu hi mi an bawh peng ko caah khika lei i chohvah lo ah a tha, tiah a chimchap. The Hakha Time
Relchap : Myitkyina ah Yan Gyi Aung veng ah hramhram thil chuh nak a chuak
Kachin ramkulh Myitkyina Yan Gyi Aung veng ah Yatkaan sianginn pawngah September 17 zaanlei suimilam 6:00 hrawng ah thil hramhram in chuhnak a um tiah khuami pakhat nih an chim.
Ahmu tu khua mi pakhat nih ” Nu pahnih cu saikel a cit mi i a hnulei thu mi nu a thi cu an chuh. An chuh mi nu cu a hnulei in a let i a tlak caah a lu aa khawng. A mawng tu le ngakchia cu an i khawng lo ” tiah a chim.
Mah lio pi ahcun Rescue bu an rak phan i saikrl cungin a tla mi nu cu sizung ah an kal pi colh tih kan theih.
Myitkyina ah hin nifatin hramhram thil chuh ti hi a tam chin caah khuami hna thinphang in kn um kal tiah a chim.
The Chin Post
Leave a Reply