BREAKINGNEWS; (Kawl ralkap pahnih cu an thi le hnai he an ril ko tiah theih a si. Thawngpang fiang tein theih a si rih lo.) Thantlang Khuachung ah SAC ralhrang le CDF an i kap cuahmah. Pray for Thantlang, be save CDF cred;TFT
Bawipa sin ah thlaza cam in bawm cio ko hna usih. Kan uatnak le kan himnak cu a mah sin lawnganwg ah aum. Nan tha chia hlah h, a nung mi pa Pathian nih a kan umpi ko.
Relchap : Mizoram Cozah Nih Ralzam Caah Rupees Sing 30 A Pek Cang
Mizoram legislative assembly session ngei lo mi ah Kawlram buai ruangah Mizoram ah a rak i dor mi ralzaam hna kong cu ceih a si i, cozah nih a chinchiah ningah atu Mizoram chungah a um lio mi ralzaam hi 9,434 an si tiah theih a si.
Mizoram home minister Pu Lalchamliana nih a chim ningah August 28 tiang Mizoram chungah a rak lut mi vialte hi 10,229 an si. Mah chungin an ram ah a kir than mi le ka dangah a kal mi an um atu a um mi cazin hi 94,34 an si.
Ralzaam hna hi Mizoram district dangdang ah a um mi an si i, a cheu cu an chungle khat sin ah an um hna. A cheu cu khua/veng nih an umnak hmun an sak piak hna. Mah hna zohkhenhnak dingah Mizoram cozah nih rupees sing 30 an pek cang.
Covid-19 he pehtlaihin ralzaam covid zawtnak a ngei mi hna hi a hleikhun in chinchiah an si lo caah ralzaam hna zawtnak a ngei mi hi fiangfai in chim khawh a si lo tiah a chim.
Covid-19 zawtnak lak ah kan himtlan khawhnak caah tiin Mizoram cozah nih ralzaam hna cu ngandamnak lei zohfelnak le covid-19 sii zong a lakin chunh khawh dingin timhtuahnak a ngei tiah theih a si.
The Chin Post
Leave a Reply