CDM A Tuahmi Meithat Riantuan An Tlaihkhawh Lo Caah Hringtu Nu,Pa Le A Nau An Tlaih Hna

Ralhrangbu nih CDM a lut mi meithat riantuan an tlaih khawh lo ruangah a Nu le Pa le a Nau an tlaih hna-Pago, Tekung meithat riantuan Ko Kaung Mya cu CDM a luh caah ralhrangbu nih tlaih an timh nain an tlaih khawh lo caah a nu le pa le a nau cu nizaan ah an tlaih hna tiah theih a si.

“Keimah a kan tlaih khawh lo caah ka nu le k pa le ka naupa cu nizaan suimilam 9 ah an tlaih hna. A fa an tlaih khawh lo ruangah Nu le Pa le chungkhar hna tlaih piak ding upadi khuazei ram hmanh ah a um lo, Kan chungle an hrem hna lai ti ka phang ngai, ralhrangbu ka doh mi kongah ka chungkhar he zeihmanh a pehtlaih mi a um lo.” tiah Ko Kaung Mya nih a chim.

Ko Kaung Mya pa hi U Aung Min Thun kum 49 mi a si i a nu hi Daw Tin Aye kum 47 a si. A naupa hi Ko Chan Myay Tu kum 19 mi a si. An chungkhar hi miung pa 9 an si i a hngakchia cem kum 6 mi cu khuate lei an chungle sinah an chiah tiah theih a si.

Dohthlennak a donghtiang ka tuan lai. Ka chungle caah tanpitu bu hna le phung le lam a theih mi hna sinah bawmhnak ka hal cang tiah a ti.Pago nitlak lei ah Meithat riantuan a tlawm bik 350 leng an um nain CDM a lut mi hi Minung pathum lawng an si tiah theih a si.mizzima- Credit: The Chin Post