Chin Defense Force Kanpetlet Kahdohnak Thawngthanh

Chin Defense Force Kanpetlet Kahdohnak Thawngthanh: Nihin January 31, 2022, cawn nikhatni zing suimilam 6:30 am i 8:00 tiang, Kanpetlet khuapi, Yan Aung pura, Pengkomh Fimcawnnak Zung le Pengkomh Uknak Zung hna ah hmunhma a khuarmi SAC ralhrang phu hna cu CDF – Kanpetlet nih an kal hnawh i an kah hna.

Cu kahdohnak cu suimilam 1 le cheu hrawng a rau i, SAC ralhrang phu lei in ralhrang 3 an thi i, CDF – Kanpetlet ralkap hna cu hliamhma tuar um hraw loin him tein hnu an tolh kho. Bawmhtu, petu, thlacam piaktu dihlak nan cung ah lunglawmhnak tampi kan ngei timi thawngthanh kan duh. Chin Defense Force, Kanpetlet. Credit: Chin Defense Force – Kanpetlet

CDF Phu Nih Kum 18 In Kum 40 Kar Chin Mino Dihlak Forhfialnak An Tuah: 1nak. SAC ralhrang phu nih 2021 kum, February 1 ni ah Myanmar rampi nawlngeihnak hramhram in an lak. 2nak. Cu nawlngeihnak an lak hnu ah rampumpi vuanthan hna nih Civil Disobedience Movement (CDM) an tuah, mipi vialte zong nih lam zawh in duhlonak langhter a si i, ngeihmi hriamnam in dohnak tiang a phak.

3nak. Atu cu SAC ralhrang phu hna nih kanmah Chin ramkulh telh in tlangcungmi hna cu an kan doh i, pehzulh in kahdohnak fah a chuak. 4nak. Cucaah Chin ramkulh ah a ummi kum 18 in kum 40 kar, mino hna le kum upa tuk rih lomi dihlak in kannu Chin ramkulh chuah tak in ramleng chuak, Dohthlennak hnu chirh tibantuk ruah loin nawlpat le forhfial kan in duh hna.

5nak. Federal Democracy ngah khawhnak, mahte in khuakhan lairel khawhnak le tlukruannak kan ngah khawhnak caah SAC ralhrang phu an hram in hloh dih in hmailei Chin ram kan ser khawhnak hnga hmunkhat tein tuanti tanti cio hna usih tiah forhfial kan in duh hna. Chin Defense Force – Kanpetlet. Laknak: Delta News Agency