Sagaing ramthen, Kalay myo in Chin ramkulh lei ah an hawile ralhrang pawl bawmh ding in a rak kaimi SAC ralhrang phu hna cu nihin January 17 ni ah CNA, CDM – Siyin, PDF – Zoland, Zongam Army, CDF- KKG 2 phu fonh hna nih an kah i SAC ralhrang phu lei in 10 an thi pinah tampi nih hliamhma an tuar tiah Civic Defense Militia (CDM – Siyin) nih thawngthanhnak an tuah.
Nihin zinglei sang ah Kalay myo in Chin ramkulh lei an rak kaimi SAC ralhrang motor 5 hna cu CNA, CDM – Siyin, PDF Zoland, Zongam Army, CDF – KKG-2 phu fonh hna nih a thlithup in an kah tiah CDM – Siyin nih thawngthanhnak an tuah hi a si. CNA, CDM – Siyin, PDF Zoland, Zongam Army, CDF – KKG-2 phu fonh ralkap hna c,
SAC ralhrang phu hna nih January 14 ni ah bawmtu vanlawng hmang in an rak kahmi hna phu kha an si. Chin World media nih a tarlangh. Nihin cu Falam peng, Lungbang khua pawng kahdohnak zong ah CNDF phu nih ralhrang 6 an thah kho ve. Cu kong he pehtlaih in Zalen nih, “Falam peng, Falam – Kalay lam cung Lungbang khua pawng ah nihin January 17 zing ah,
SAC ralhrang phu le CNDF ralkap phu kar kahdohnak a chuak i SAC ralhrang phu lei in 6 an thi i, CNDF ralkap pakhat hliamhma (thinphang ding si lo) a tuar tiah CNDF lei nih thawngthanhnak an tuah” tiah a tarlangh hi a si. SAC ralhrang phu hna cu Falam – Kalay motor lam in kal ti loin, motor lam in ni tlak lei Lati khua, Kulzam khua lei in an hel i an kal hna tiah theih a si.
Cu lam in Falam – Kalay motor lam cung ah a ummi Zawngkawng khua lei ah an chuak te lai tiah ruahdamh a si tiah Zalen nih a tarlangh hi a si. Tu lio cu Chin ramkulh chung hmun tampi ah kahdohnak a chuak ko. SAC ralhrang pawl nih Chin ramkulh biatak tein an nor ko cang. Bawipa nih Chin ralkap nih tanpi in teinak pe ko hna seh. Ref: Chin World, Zalen
Leave a Reply