Chin Ramkulh Ah Ralhrang Chungkhar An Hung Thial Thluahmah Than

Chin Ramkulh Ah Ralhrang Chungkhar An Hung Thial Thluahmah Than: Thlanglei Kawlram in ralhrang chungkhar an thialmi hna cu vanlawng in Kalay myo tiang an hung thial i Kalay myone Chin ramkulh lei an hung kuat than hna tiah theih a si. Thil sining cu thlanglei Kawlram in Chin ramkulh chaklei ah ralhrang an hung thialmi chungkhar hna cu vanlawng in Kalay myo tiang,

cun Kalay myo in Chin ramkulh lei tiang nihin ah an hung thial hna tiah theih a si. Zalen nih a tarlangh. Yangon le Mandalay in an rak thialmi SAC ralhrang chungkhar 50 hrawng hna cu Myanmar Airline in Kalay myone Airport ah tu zing an hung kuat hna. Cun Kalay myo in ralkap helicopter i Chin ramkulh, Tedim le Hakha khua lei ah an hung kuat chin hna tiah theih a si. Ref: Zalen.

Thawngpang dang: An lu ah meithal in kah thah mi mithi ruak pahnih char an si. Loikaw myone, Daw U Khu sang ah meithal hliamhma in a thimi mipa ruak pakhat cu nihin January 21, chun suimilam 12:30 hrawng ah hmuh an si tiah The 74 Media nih a tarlangh. Cu mipa ruak 2 hna cu an lu ah meithal hliamhma hmuh a si i,

A luancia ni 3 hrawng ah a thi cangmi an si kho tiah an ruak vuitu Rescue phu in tuanvo ngeitu pakhat nih The 74 Media ah a chim. “Cu mipa pahnih hna cu innpi pawng i coka pawng ah an pahnih ning in an thi an ti. Kanmah nih kan va zoh i an pahnih in an bawhtakhup in an rak um ko. Pakhat cu a mit kiang in a hnu lei a tlanh.”

“A dang pakhat cu a kaa ah an kah i a hliamhma a ngan ngai” tiah a chim. Athimi ruak pahnih hna cu kum 40 leng upa U Min Htwe le Ko Pyone Cho hna an si tiah amah nih a chim chih. Mithi ruak an hmuhnak Daw U Khu sang ahhin kahdohnak a um lo nain SAC ralhrang phu nih an zia thalo chuak in hriamnam ngan an kah peng ko ti si.

SAC ralhrang hu lei in helicopter in bomb an thlak ruangah Karenni ramkulh, Loikaw khuapi ah January 12 lio ahkhan Roman Catholic biakinn pakhat telh in khuami tam ngai a rawk i, khuami 80,000 (thong sawmriat) leng zong a inn an chuak tak hna tiah theih a si. Karenni ramkulh hi raltuknak a fah ngainak a si caah hi zatzat ralzam an tam hi a si. Ref: The 74