Chin Ramkulh Hriamtlai Phu Phu 4 Nih Tantinak An Tuah

Chin ralkulh chung ah a ummi Chin mipi ralkap hriamtlai phu phu 4 nih tanti ding in i komhnak an tuah tiah theih a si. Chin ralkap chung ah a ummi mipi ralkap phu phu 4 nih nihin January 28, 2022 ni ah SAC ralhrang Dictatorship uknak doh ti ding le Federal Democracy ram ser khawh ding in kan tanti lai tiah ikomhnak (allience) kan tuah cang tiah thawngthanhnak an tuah.

Cu Chin mipi ralkap phu 4 hna cu People’s Defense Force – Zomi (Zomi PDF), People’s Defense Army (PDA), Civic Defense Militia (CDM) le Zogam Army hriamtlai phu hna an si. An cathanh chuahmi cu a tanglei bantuk in a si.

Tanti Ralkapbuu Sernak Thawngthanhnak: People’s Defense Force – Zomi (Zomi PDF), People’s Defense Army (PDA), Civic Defense Militia (CDM) le Zogam Army hna cu ralkap uknak dictatorship dohti ding le Federal Democracy ram ser kho ding in hmunkhat te ah kan tanti lai tiah January 28, 2022 (cawn ningani) thawk in,

Tanti Ralkapbuu (Alllied Forces) ah kan ser cang tiang tiah thawngthanhnak kan tuah. Tanti ralkapbuu raltuk training tuah zong kan thawk cang lai tiah thawngthanhnak kan tuah. Ralhrang uknak a tla hrimhrim lai. Ayedawpung Aung yah mae. (Atanglei ah nihin thawngpang dang tete rel chih ding tar chih a si.) Ref: KTM

Thawngpangdang: CDF-Matupi Ralkap Pahnih an Nunnak a Liam: Nihin January 28 ah Matupi peng, Coh timi khuate pawng ah SAC ralhrang le CDF-Matupi (1) karlak ah kahdohnak fak ngaiin a chuak i CDF-Matupi ralkap Salai Tung Mang le Salai Mang Lian Aung an nunnak a liam, tiah thawng kan theih. SAC ralhrang lei in a thimi an um le um lo fiang in theih a si rih lo. Credit: The Chin Journal

Thawngpangdang: CNA Ralkap nih Mizoram Ramri ah Ritsii a Phormi an Tlaih Hna: Mizoram-Chinram ramri, Tedim peng chung ah ritsii ting 80MMK man a phormi minung pahnih cu CNA rakap nih an tlaih hna, tiah Chinland Information Center nih thawng a chuah. Ritsii a phormi hna hi Bukphir khuami Thawng Lam Sum le Lang Deih Cin an si.

Bukphir khua ah hin ZRA tapung pawl an rak um bal nain CNA nih an kah hna hnu ah an zaam dih cang. Credit: The Chin Journal