China Foreign Ministry spokesperson nih Wuhan Scientist pawl cu Noble Prize pek phu an si tiah a chim

China Foreign Ministry spokesperson nih cun western ram pawl nih Wuhan Institute of Virology (WIV) i rian a tuan mi Scientist hna cu sawisel i diriam loin “Nobel Prize in medicine” pek ding an si deuh tiah a chim.

Wuhan Institute of Virology (WIV) i rian a tuan mi Shi Zhengli nih cun interview ngeih nak ah “lab leak an timi kong ah evidence pakhat hmanh a um lo, zeitin dah vawlei cung nih scientist sual nak ngei lo hna cu lih hmangin an puh khawh hna amak ngai” tiah a chim.

Chinese Foreign Ministry spokesperson Zhao Lijiang nih cun Shi Zhengli hi a van dirkamh i “Chinese scientists hna nih Wuhan ah novel coronavirus, gene sequence an hmuh chuah hmasat ruangah, virus karh tertu an si ti nak asilo. Professor Luc Antoine Montagnier, HIV hmu hmasa cemtu kha global AIDS pandemic darh tertu ti ve usih law, Nobel Prize for medicine dawng tu ti si loin” tiah a chim.

World Health Organization pawl cu tukum March thla ah khan Corona Virus arak chuah ning hlathlai dingin an kal. Natein Corona Virus cu Wuhan Lab in arak chuak lo tiah an chim. Natein US President Joe Biden nih cun ai cenet loh caah Corona Virus arak chuah ning hlathlai dingin nawl a chuah.