CNDF he kahdohnak ah Bugyi reng telh in rallokap minung 100 hrawng an thi CNDF le ralhrang phu kar thla 4 chung ah kahdohnak voi 8 a chuak i, ralhrang phu lei in Bugyi reng telh in a tlawmbik minung 100 hrawng an thi, minung 40 leng nih hliam an tuar tiah CNDF nih cathanh an chuah.
Cu kahdohnak chung ah CNDF lei in minung 8 nih ram le miphun caah an nunnak an pek.”Thla 4 chungah hin CNO/CNDF phu hna cu Falam peng leng ah Kalay,Kabani,Tasi,Tanphu pawng ah a cang mi kahdohnak ah an i tel ve.Kahdohnak hi voi 8 a chuak i,rallokap lei in Bugyi reng telh in a tlawmbik minung 100 hrawng an thi,kanmah mipi vengtu ralkap lei in minung 8 nih an nunnak an pek” tiah CNDF lei in rianngei pakhat nih a chim.
CNDF cu Chin National Organization kut tang i hriamtlai phu an si.CNO /CNDF cu NUG, CRPH he hmunkhat ah riantuan ti ding an si i, EAOs hna he zong tuanti ding an si leng ah CNF,ZRO(E)CDF,PDF hna he zong riantuan ti ding an si i, federal democracy kan ngah tiang kahdohnak ah kan lut lai tiah an langhter.
RELCHAP : Pu Sui Mawng A Nunnak Liam
Pu Sui Mawng cu August 4, zinglei suimilam 3:35 AM, ah Yangon ah a nunnak a liam tiah thawng kan theih
Anih hi Lai Bible Thiang zohthannak le tawlrelnak lei ah siseh, Lai Caholh lei ah bochan mi kan pa a si.Lai caholh cauk chuahnak lei ah Laimi nih fuhpanh ngaimi a si
Concordance zong a tawlrel nain a lim hlan ah a nunnak a liam.
Leave a Reply