Ralkap lei in Duh-Tainghmu (Deputy Commander) hruai mi hna le CNF/A upa hna March 10 ah an i tong lai, tiah kan theih. “Atu hi anmah Ralkap cu an ra lio. Camp ahcun a si lai lo. Khoika kan i ton lai a fiang rih lo. I ton ding hi Hakha ah an rak ti nain anmah tu an rak ra. Zeibantuk kan ceih lai i anmah Ralkap lei nih zei an chim lai cu kan hngal lo.
Asinain kanmah lei nih cun, dai tein CDM a tuah mi hnahnawh lo ding, sakhaan ah hren mi a rannak in chuah ding. Tlaihkhih le hrem tibantuk tuah lo ding in kan chimh hna lai,” tiah CNF Chimphuannak Nawlngeitu Pu Htet Ni nih The Hakha Times ah a chim. Atu hi Ralkap cu an kal lio a si i zeitik ah, khoika ah an i ton lai ti belte a fiang rih lo.crd;The Hakha Times
Thawngpang dang tete rel chap theihkaunak ah- Kan Lakah Ral Nganpi A Um Ve.Thiltha tuahnakah , biachimnakah CDM ca peknakah a lem a um tihi kan i ralrinawk a si. Kan caah rap bantuk fawh le hrawh thah a kan duhmi an um tihi kan i fian taktak a herh.
Kan pawngte ah kan ralpa cu a um zungzal. Rawhralnak hi kan hmaikaah chiahpiak kan si.Cucu kan teinak dingah cun Thuro bantuk in nunnem i rul bantuk in kan fimawk a si.Hakha leiah ralkap a kuat cang hna.
Leave a Reply