Delhi Online Catialtu pawl nih CNF/CDF ca ah Tangka Ting 20 Bawmhnak an Pek

Delhi ah a phanmi Lai website cattialtu phu DCM nih CNF le CDF rianttuannak ca ah tangka 2,000,000 MMK (Rs. 106,760) bawmhnak an pek hna.

“Delhi online cattialtu bu (DCM) ah hin chungtel minung 40 kan um. Lai cattial ningcang le thawngpang ttial ningcang zong kan i remh khawh nakhnga Workshop tibantuk kan tuah tawn,” tiah DCM haotu pakhat nih a chim.

CNF/CDF ah DCM nih bawmhnak an pekmi kong ah CNF lei zong nih DCM sin ah lunglawmhnak ca an ttial. Cred : The Chin Journal

RELCHAP DING : KNU Brigade 5 le Ralhrang Ni 8 Chungah Voi 29 I Kahnak A chuak

KNU Brigade 5 le Ralhrang Ni 8 Chungah Voi 29 I Kahnak A chuak KNU Brigade 5 Hmun,Mutawh Pengkomh ah ni 8 chungah i kahnak 29 a chuak,ralhrang lei in 26 an thi,35 hliam an tuar

KNU Brigade 5 cawlcanhnak hmun ah Mutawh pengkomh(Phapon) ah July 15 in July 22 tiang ni 8 chung ralhrang rallokap le BDF i fonh in,KNLA Brigade 5 ah kahdohnak 29 a chuak i,ralhrang lei in 26 an thih hlei ah 35 hliam an pu tiah theih a si.

Hi i kahnak ahhin mi sawhsawh mipi lei in pakhat a nunnak a liam,ralhrang nih khuate ah hriamngan in an kah i Naa 5 an thi.KNLA lei in hliammi le nunnak liammi thanhmi a um lo tiah KTM nih a panghter. Cred : Thechinpost