Depeyin ah Inntek ralkap fonh phu hna nih Kawl ralkap 50 tluk an thi

Nizaan November 28 lio, Sagaing Ramthen, Depeyin Peng, Nyainghla khuapawng ah Kawl ralkap 150 tluk cu Inntek rammi ralkap fonh phu nih an rak kah hna i 50 tluk an thi, tiah Shwebo rammi ralkap nih an thanh. The Hakha Time

Relchap : Mandalay-Shweboo motor lampi ah ralhrang phu motor bomb puahhnawh an tong

Mandalay in Shweboo lei ah a kalmi ralhrang phu motor cu nizaan November 28, zaan suimilam 9:45 hrawngah a hlatnak hmun in bomb hmanh hnawh an tong tiah Myinphyushin(မြင်းဖြူရှင်) mipi ralkap lei in rianngei pakhat nih a chim. Ralhrang minung 50 hrawng a telmi khualtlawng Express motor cu Sagaing ramthen Walat(ဝက်လက်) peng Yuatargyi(ရွာသာကြီး) khua le Satawng(ဆားတောင်) khua kar ah bomb puahhnawh an ton hi a si.

” Bomb pahnih kan puahhnawh hna, bomb a puah cang ka in motor a dir colh. Motor hnu lei cu a rawk dih, a mawngtu a hliamh le hliamh lo theih a si lo na in, a hnu a thumi hna cu tamngai hliamh dawh an si” tiah Myinphyushin(မြင်းဖြူရှင်) mi zapi vengtu ralkap phu in rianngei pakhat nih a chim. Bomb puahhnawh ruangah ralhrang hliamtuar tamngai umdawh an si leng ah ralhrang minung 10 hrawng an thi. Myinphyushin (မြင်းဖြူရှင်) mi zapi vengtu ralkap phu hna cu hliamtuar um lo in hnu an tolh kho tiah theih a si. #Mizzima

The Chin Post