Dr.Kyaw Kyaw That Cu Ralhrang Rallokap Nih An Tukvelh Hnu Ah An Kal Pi

University of Medicine, Mandalay In Dr.Kyaw Kyaw That Cu Rallokap Nih An Hrem Hnu Ah An Tlaih University of Medicine, Mandalay in Dr.Kyaw Kyaw That cu ralhrang rallokap phu hna nih July 13 ni ah hrem in, an hrem hnu ah an tlaih tiah Mandalay ngandamnak riantuan naklei nih cathanh an chuah

Mandalay, University of Medicine ah cacawn kum fatin distinction a ngah zungzal mi, ca chimh thiam i, a lenglei ca zong tampi theihhngalhnak le hlathlai duhnak ngei mi cathiam tuk mi sianghngakchia pakhat a si.

Sianginn a dih hnu zong ah volunteer in siikhan, mipi bawmhnak hmun ah tuan in , sibawi a kai lio mi hna ca zong ah fim/ ca chimh nak a tuah.Amah cu nuhmei fa a si i a nu le a far nu mizaw thlopbul nak in a hmuh mi le cachimhnak in a hmuh mi phaisa in a nu le a far nu a zohkhenh tu siibawi pakhat a si.

“Dr Kyaw Kyaw That cu July 13 ,zaan ah rallokap nih hrem in an tlaih,zeiruang ah dah an tlaih ti cu theih a si rih lo,khoi ka hmun ah dah kal pi in khoika dah a um ti zong a chungkhar zong nih an thei lo.Dr. Kyaw Kyaw That cu khuapau dothlennak ding ah sining dihlak in a tel ve mi pakhat a si.

Ngandamnak lei zong in rian a ngeihnak hmun ah tuan in, senior, junior hna an humhimmak ding ah a nunnak pek tiang in a humhim piak tu hna pakhat zong a si.Khuapau dothlennak ding ah Dr Kyaw Kyaw That he sau pi a hawikom cang mi a dawttuk mi a hawi zong,ralhrang rallokap phu hna nih a nunnak an rak lak” tiah Mandalay ngandamnak lei chung tel hna nih an chim.

The Chin Post