Germany ramleng vuanci zung nih EU nih Myanmar ralkap (SAC) hi a cohlang hrimhrim lo. CRPH le NUG tu hi biatak tein kan bawmh lai tiah April 30 ah a chim.
April 30, zanlei 3:30 pm ah Germany ramleng vuanci zungin tuanvo ngei upa hna le NUG in a pahnihnak ramleng vuanci U Moe Zaw Oo cu tonnak an ngei. Cu tonnak ahcun U Moe Zaw Oo nih atu lioah Myanmar ah a cang cuahmahmi, nuhrin covo buarnak, NUG nih an i timhmi le riantuan an duhmi, EU ram hna ah a ummi CDM tuahtu hna kilven le zohkhehnhnak, ramri ah aa dormi ralzam hna bawmhnak, ASEAN hruaitu hna meeting le Germany le Myanmar ram hnih pehtlaihnak kong a chim.
Germany ramleng vuanci zung upa lei nih EU nih CRPH le NUG nih democracy le nuhrin covo kongah an i zuammi an cohlannak, Myanmar mipi hna caah bawmhnak an pek rih lainak le May 3 ah tuah dingmi G-7 meeting ah Myanmar buainak kong an ceih lainak kong an chim ve. Cred : The Chin Post
Relchap : India Ah Covid 19 Zawtnak A Chawnmi Singthum Le Thong Sawmriat Leng An Si Cang
India ram pumpi ah Covid 19 zawtnak a chawnmi hi April 29 ah 386452 an si i, a thimi hna hi suimilam 24 chungah 3498 an phan tiah India ngandamnak lei nih a thanh.
Vulei cungah a pahnihnak mithi an tamnak India ram cu zawtnak a chawnmi hi biatak te chim ko ahcun phungning in kan thanhmi nak in let nga in let hra tiang a karh kho tiah ngandamnak a cuanchung mi hna nih an zumh.
Rammi 1.4 Billion cu January thla thawk in raikham si chunh an rak si.
The Chin Post
Leave a Reply