Good News: Hakha Thonginn in Minung 37 nih Luatnak an Hmu Tiah Thawng Theih Asi

Nihin (June 30) ah Hakha palik thonginn in minung 37 nih luatnak an hmu, tiah thawng kan theih.

Nihin a luatmi pawl hi SAC nih pohma no. 505 (a) in taza an cuaimi hna an si.

A luatmi minung 37 chung ah minung 9 hi nu an si i, a dang minung 28 hi pa an si.

Hakha thonginn ah minung 65 hrawng an rak hren hna i, nihin ah an thlah lomi hna minung 28 an taang rih. Kalay thonginn ah an kuatmi hna minung 6 zong thlah an si rih lo.

Nihin ah Myanmar rampi huap in SAC nih tongtla 2,342 luatnak a pek hna.

The Chin Journal

Relchap: Ni hin June 30 hi Mizo National Front- MNF nih ram zalonnak caah kum 20 chung dohthlennak an tuah hnuah India cozah he remdaihnak an tuah kum 35 a tlin camtuak a si.

MNF hi 1966 kum ah Pu Laldenga nih India ram in Mizoram zalonnak dingah dirh mi a si.

Kum 20 chung dohthlennak an tuah hnuah 1986 June 30 ah India cozah aiawh in Home Secretary R.D. Pradhan, Mizoram cozah Chief Secretary Pu Lalkhama le MNF president Laldenga te nih remdaihnak min an thut.

The Chin Post