November 6 tuzing ah CNA le CDF -Hakha i bawm in Hakha khua hmun hnih ah Ralhrang an kah hna tiah kan theih.
CNA Chimphuannak nawlngei Salai Htet Ni nih “Hakha Cawbuk Ralhrang um nak ah CNA le CDF nih kan kah hna i Ralhrang 5 an thi, Hakha khualu Phungki Um nak ah hmun a khuar mi Ralhrang zong kan kah hna i Ralhrang minung 6 an thi, an dih lak minung 11 kan thah hna tiah The Chin Post ah achim. CNA le CDF lei in hliam tuan le a thi mi an um lo tiah kan theih.
Relchap : Kawlin PDF nih Ralhrang minung 20 an thah hna
Nizaan ralhrang phu le mipi vengtu ralkap phu kar kahdohnak a chuak. Kawlin ah ralhrang minung 20 an thi, Yesakyao ah minung 10 hrawng le Gangaw ah ralhrang minung 3 an thi Sagaing ramthen Kawlin ah ralhrang phu minung 20 hrawng, Yesakyao ah minung 10 hrawng le Magway ramthen Gangaw ah ralhrang minung 3 cu nizaan November 5 kahdohnak ah an thi tiah khuachung mipi vengtu phu hna sin in theih a si. Sagaing ramthen Kawlin peng ah nizaan November 5 zinglei suimilam 9:20 hrawngah Laka khua le Kaiwon khuapawng ral lamsial in a kalmi ralhrang phu minung 170 hrawng cu Kawlin-PDF nih an doh hna caah ralhrang phu lei in a tlawmbik minung 15 in 20 kar cu an thi lai, cun hliamhma tuar zong an tam tiah Kawlin Revolution nih a chim.
Nihin November 6 zong ah ni zaan kahdoh a chuahnak hmun pawnghrawng ah kahdohnak a chuak than tiah theih a si. Cun ni zaan November 5 chunhnu suimilam 2:56 ah Kalay-Gangaw lampi mengtung 34 pawngah Kalay lei in a rak kai mi ralhrang phu motor 34 cu Bu Mya Tun hruaimi PDF-Gangaw tat-khuai 3 nih bomb puahhnawh in an doh hna caah ralhrang phu lei tat-kyat-gyi telh in minung 3 an thi, hliamhma tuar a tam tiah Gangaw-PDF nih cathanh an chuah. #Khit Thit Media
The Chin Post
Leave a Reply