Nihin zing (Kawlram caan) in tuah mi Vaurawng Zuunthil miphun tlangau nak ah US dollar in $60,000 hrawng le Australia dollar in 4000 bak an hmuh piak hna tiah kan theih. Voikhat tlangau nak ah hi zatzat Phaisa Chin mipi nih nan vun chuah ko cu upat nan tlak, a tawlrel tu Vaurawng Zuunthil tlangau phu zong upatnak sangbik kan i pek hna.
Tulio Mindat boruak kong he pehtlai in siaherhnak nganpi he Vanrawng zunthil tlangau phu hna nih hlasakthiam Yaw Kee, Van Hlei Sung ti bantuk sawm in, online in tlangau nak le hlasaknak an tuah hi asi. Cu tlangau nak program chung ahcun ramthumnak a phan cang mi Chin mipi pawl nih phaisa bawmhnak an h un pek cuahmah i a chuak mi dihlak hi USA dollar in $60,000 (thong sawmruk) hrawng le Australia dollar in 4,000 (thongli) a si tiah Jenevy Sui nih a chim.
Vaurawng Zuunthil timi tlangau nak phu hi tulio ramchung raldohnak, a bik in van ralven nak caah tiah rak dirh mi a si. Van ralvennak kong tlang an au lio tein hlawh tlinnak ngan taktak an hmu, cun pengtlang le khuakip dirhmun zong in tlangau nak tete zong an tuah. Nihin cu Mindat caah ti bantuk in Tlangau nak an tuah than hi a si i cu voikhat tlangau nak ahcun hi tluk zat a tam mi Phaisa an hmuh piak hna hi asi.
Kan ral kan tei tikah Vaurawng zuunthil tlangau phu hna cawlcanghnak hi tuanbia nganpi an kan tial piak tu an si timi record chiah awk a si hrimhrim mi an si. An cawlcanghnak kip ah Pathian nih umpi hna sehlaw miphun chanchuahnak ah hlawhtlinnak nganpi kan hmuh pi hram hna seh. Credit : laikokekjournal
Leave a Reply