Hakha No. 2 thlaan man kong theihternak

Hakha Cawbuk Sang ah a um mi No.2 thlaan man kong kan in thanh hna.

COVID-19 boruak lio ah thlaan man cu Ks. 200,000 in kan rak hmanter hna nain tlakrawh man le thil man dangdang aman an kai tuk ruang ah Ks.200,000 si ti loin Ks. 250,000 a si cang lai, tiah The Hakha Times in kan in theihter hna. Pu Ni Kam

Relchap : CNA ralbawi pakhat nih Pi Ca Tial akut ah meithal a khensual mi cu Ralkap phung in action lak ding in kan auh cang, kan Pi zong kan nawl lai: CNF Spokesman

October 3 zing 8:30 AM tluk, Falam Peng Thipcang khuami Pi Ca Tial cu CNA ralbawi pakhat nih akut ah meithal in a khensual mi kong ah ralkap phung in dantat ding ah kan auh cang i kan Pi Ca Tial zong kan nawl lai, tiah CNF Chimnak Nawlngeitu Salai Htet Ni nih The Hakha Times ah a fianter.

“Sual huahtu cu kan tlaih cang i atu hi dantat ding ah kan auh cang. Ralkap nih zulhphung, dun le dan (Army Law) kan ngeih bantuk in action kan lak (dantat) colh ko lai. Kan Pi zong a si khawh chung in kan nawl lai,” tiah CNF Chimnak Nawlngeitu Salai Htet Ni nih The Hakha Times ah a chim.

Pi Ca Tial cu CNA ralbawi pakhat nih thil a suuk lio, akehlei kut ah a khensual i a tithawl zong a kuai dih. Amah hi October 2 tekhan zu a ri i a kuttang minung zong a velh len hna, tiah min langhter lo mi pakhat nih a facebook cahmai ah a tial.

The Hakha Time