India Ram Ah Mizaw Ihnak Pakhat Caah Rupee Sing Khat A Hal Mi Sibawi Pathum An Tlaih Hna India ram Pune’s Pimpri Chinchwad sizung ah mizaw pakhat ihnak caah rupee singkhat (Kawlram tangja in sing kul) a hal tu sibawi pathum cu nizaan ah Pune palik nih an tlaih hna. Covid zawtnak a karh ning a raan tuk caah sizung ah mizaw tlum lo in an um hna.May 4,2021. Credit: The Chin Post
Thawngpang dang relchap: Kawl ralkap nih kahnak kan ngol lai an timi hi thawngtha ah ruah ding si lo Ralkap an mihlennak hi i zumh len ding si lo. Ralkap lei nih May thla chung cu kahnak kan ngol lai tiah thawng an zamh. Cucu Laimi tel in cheukhat nih thawngtha tuk ah kan ruah sual. A zei thawngtha nemnam An mihlennak kuat a si.
Kahnak kan ngol lai hi tutan lawng si lo. Hlanpi in an rak chim pengmi a si. Nain an dai bal taktak lo. Tlangcung ralkap phu khat khat kha fak pi in tuk a duh tikah kahnak kan ngol lai a ti zungzal. Ee sitak a tha tuk tiah hnangam tein mi um lio ah tlangcung ralkap phu khat khat kha ceilak in a tuk tawn hna.Tutan kahnak kan ngol lai timi zong hi lih a si. Zumh ding a si lo. Hi kong ah Kan kut daih ter ding si lo. Thawnter deuh leh lam ding si. An tha a dih cuahmah. Anmah le anmah an i kap. An lung dong cang. Biatak in nam chih ding an si.
Kahnak kan ngol lai a ti nain KIA cu vanlong 8 bak in a kah ko. KNU zong a kah thiamthiam. Ralkap an i phazo ti lo i KIA hi biatak in a ralkap vialte hmang in kah a duh i si kho. Zeicahtiah KIA nih a thami le an sakhan a lakmi a tamtuk. Nifatin ti awk kawl ralkap sakhan an lak. Cucaah zeibantuk tuni ralkap an thawngzamh kha i zumh sual lo ding si. Kawl ngian an mi lemnak bak a si.CRDa; Tluang Ceu Thang
Leave a Reply