Tulio bantuk ram buai lio caan ahcun, mipi aw-an a san tuk lio a si caah, Mahle sining cio in Holh-lulh cio caan a si. Ruahnak phun phun chim lulh cio caan a si. Online ah a thiam he, thiam lo he, a hngalh he, hngalh lo he holh cio caan a si caah, carel thiam a biapi tuk lio caan ah kan um. Kan chimmi paoh zumh ding a si lo.
A ho chimmi dah a dik i, aho chimmi dah a palh tbk thleidan thiamnak mit le hnakhaw he um a herh lio caan a si. A himnak Victoria camp ah le Mizoram ah CDF le PDF hruaitu tbk cu an ithup diam i, Mino zei hngalh lo ral an tukter hna tbk in tukforhnak bia a rat tikah mizapi tampi nih a dik ngai rua tiah thatchiat in um khawh a fawite.
Phaisa thazaang in tanlak duhnak lungthin zong a zawr kho. Asinain ral teinak caahcun, leader an him a biapi tiah ral teinak strategy an hngalh lo caah a si. Leader ahhin a sualmi leader um khawh ngai a si i, a sualmi leaders cu tthawl le chuah an hau ve. Asinain Leaders ttha, “the great leaders” cu Ralkap bu, a ting, a thong nakin an man, value a sang deuh caah,
Thate in ven, (well protected) an hau ve. Leaders tha nihcun an umnak hmun paoh in, tthate in rian an ttuan kho ko. Example ah Binladen nih aa thupnak Taliban lung kua in, New York innsangpi a von kah viar kho bantuk in, David nih Goliat a tei cu, Palatine Ralkap vialte zamnak a si ko. Cucaah, ral teinak caahcun Leaders peng hi aho paoh nih target an si.
An leaders ttha thah piak ahcun tei an si zungzal ko. Cucaah leaders pawl an ithup e, hmai an chuak ngam lo e tbk cu raltuk sullam a theilomi an si. Nain amah paw le tthutnak lawng a ruatmi nih hruaitu an ttuan sual belte ahcun ral an kan telpi lai lo. Mino tampi nunnak kha a lak a si lai pinah, anmah pumpak hlawknak ah a tla viar ko lai.
Cucaah, miphun pakhat le ram pakhat, or buu pakhat hruaitu caahcun, leaders tha thim thiam hi a biapi taktakmi a si ve. (Hruaitu Soiseltu Hna Nih Ral Teinak Caah Cun Leader An Him A Biapi Timi Strategy Zong Hi Hngalh Pah A Herh.) Credit: Zasang Cinzah
Leave a Reply