ICWF Nih CNF USA Regional Committee Office An Len I Bawmhnak Tampi An Pek

Nihin 01/17/2022 chun cun CNF USA Regional Committee Office ah Indiana Chin Women Fellowship (ICWF) in an hruaitu hna Pi Thong Thluai, Pi Thla Pen le Sazamah Biak Tha Hnem siaherh nak tak tak he an rak kan leng i CNF/A vialte le kan miphun caah thla an rak kan cam piak. Thlacamnak lawng si loin, thapek nak bia ttha ttha an kan ruah hlei ah,

ICWF nih CNF office tu nak caah phaisa $1,000 zong an kan pek. Kanmah lawng si loin, kan miphun dawtukcell vialte nih hi thilttha an tuahnak hi nan rak i lawm cio lai ti kan zumh.  Kan miphun vialte lungrual tein i bawmh cio a herh ning, ttantti ttuantti kan herh ning a thar in an rak langhter.

A dang kan miphun caah hi ICWF kan nu le nih an tuah mi pawl tampi chim ding a um rih. Kan miphun hawi tampi nih zohchunh ding ttha tak tak an si. ICWF kan nu le pawl Kan ni lawm tuk hringhran. (ICWF pawl an thil tuahmi a tha tuk. Khrifabu nubu department kip zong nih I cawn phu an si.) Credit: Daniel Sakhong

Thlen A Herhmi Cu Thlen Awk A Si Ko Lo Maw (By Sang Hre): Kan doh cuahmah mi Min Aung Hlaing khi a kan teinak ding ahcun a minung a thlen thluahmah hna. A ti kho deuh lai. PDF le Tlangcung mi pawl a phomh kho deuh hna lai a ti mi paoh hmunhma a pek thluahmah hna. Atawinak cun a mah bantuk saram lungthin a keng kho a ti mi deuh paoh hmunhma a pek hna ti ko uh sih.

Chim duh mi cu a kan teinak ding caah thlennak cu a tuah phot. Kan nih teh thlen a herh mi cu kan i thlen ve awk a si ko lo maw? 1nak. Kan mah theih hngal mi hawikom le minung he lawng maw rian kan tuan peng rih lai? 2nak. Zei kan chim paoh ah a lu a kan suk piak mi minung he lawng dah rian tuan kan i timh peng rih lai?

3nak. Ral teinak ca ahcun ka ti khawh ti lo ahcun kanmah nak a ti kho deuh mi pawl kha ziah hmunhma kan pe kho hna lo? 4nak. A ti kho le a ral tha mi paoh hmai ah kal ter i a ti kho deuh ti lo mi nih hnu ah zang dam tein kan dir pi ding a si ko lo maw? Credit: Sang Hre