Mizoram le Manipur ah kan ram in ralzam hna kong ah India Home Minister nih a chimh miIndian cozah nih kawlram buainak i a rak zam mi ralzam hna sii-ai leh um-ei nak pek le bawmh dingin ready kan si. A sinain, ram pahnih ramri kong a si caah kan duhning in kan tuah khawh lo. Umnak hna sak piak i, bawmh dih kan duh. Amahbelte cu Dan lo in ramri pet hi kan thlawp lo. India Home Minister – Amit Shah,India today 02.04.2021
Thawngpangdang rel ding; Ral Thawhsual Tik Ca Timhlamh Chungnak-Kawlram bantuk hriamtlai phu tamnak cu chim lo, vawleicung i a daibik Sweden le Norway tepawl nih kan ram hi Russia maw mi ram dang nih a kan tuk ah siseh, ruah lo piin kokek harnak a chuah sual ah tiin timhlamhnak hi cauk in siseh TV in an chuah lengmang. Laimi cu kan harsa, asinain cu harsatnak nakin a poideuhmi ral a thawh tikah dawtnak le zawnruahnak hna hi Khrihfa kan sinak lawng si loin minung kan sinak ah a biapi chin lengmang lai.
Kan ram ah zeibantuk a chuak kho timi kan thei rih lo, ralkap uknak kan doh i kan ngol lai lo ti tu cu a fiang. Hriamtlai phu hna nih zeibantuk timhtuahnak an ngeih timi zong theih a si lo. Sihmanhsehlaw, ral a thawhsual ah tiin timhcia in um cio hi a biapi tuk tiah kan ruah caah atu bantuk hin minung nih kan herhbikmi tiah ruahmi pawl kan vun langhter.
A tlamtling lai lo, nangmah le na sining hoih in a herh tiah na ruahmi rak i damh chung ve. Nan khua biaruahnak ah siseh, na pumpak facebook ah SHARE law mi tampi a tthathnempi hna lai tiah ruahchannak kan ngei.crd;Teirialcatialtu
Leave a Reply