India minung thong renglo nih an pathian zuk an hlonh

India minung thong renglo nih an pathian zuk an hlonh

India ram ah mi tampi nih an biakmi an pathian cu Corona virus in a kan khamh kho lo tiin an pathian zuk cu thong renglo lam ah an hlonh tiah theih a si.

India hi Covid ruangah a thi mi le harsatnak tampi an ton lio a si. An pathian cu hi zawtnak in a kan khamh lai tiin an zumh caah an pathian sinah voi tam thla an cam. A sinain a donghnak ah zeihmanh a tuah kho lo ti an ruah caah a tu bantukin an tuah hi a si.

A tu ah India ah covid ruangah a thi mi hi sing 2.74 an si cang. Nikhat ah a thi mi hi 3000-4000 kar an si peng. Cozah nih mizaw zohkhenhnak kongah tampi harsatnak a ton cang. Oxygen le siizung an i tlum lo caah mi tampi cu zohkhenhnak hmu lo in an thi, mithi zong an i vui cawk ti lo.

Cucaah mipi lungfah le thinhang nih an inn le an biakinn hna ah an chiah mi an pathian zuk cu lampi le Tiva hna ah an hlonh mi a si tiah theih a si.

The Chin Post