Internet Pehtlaihnak Fak Tuk in Kham a Si Hnu ah Alak Phawtzamhmi Cazual Pakhat nih Yangon ah Hmunhma a Lak Ngai

Myanmar ralkap nih uknak a chuh hnu in ramchung thilcang le sualnak an tuahmi thuhnawh awkah Phone Internet le Wireless Wifi pawl an thah dih i, atu ah cun hri in zammi FTTH Wifi pawl lawmg rammi nih kan hman khawh cang.

Khuate lei lawng si loin Yangon khuachung hmanh ah Internet a hmang kho lomi an tam deuh cang i atulio abiapi tukmi Myanmar ram thilcang kong thawngpang pawl he an i hlat thluahmah.

Cucaah, Yangon ah cun Internet a hmang kho lomi hna nih atulio thawngpang an theih khawh nakhnga cazual pakhat an chuah.

Cu cazual cu “Molotov” tiah min an pek. Ralkap le palik pawl Yangon khuachung ah chunzaan in an i chawh ko zong ah hi cazual hi a thlithup in mizapi sin ah alak in an phakter i, atulio Yangon ah cun hmunhma a hun la ngai.

FTTH Wifi a hmang kho lomi zaran ca ah “Molotov Cazual” cu atulio Myanmar ram kong thawngpang an theih khawhnak bik tihnapi bantuk ah a hun i chuah ve.

credit The Chin Journal