Kum 12 chung Israel ram hruaitu Benjamin Natanyahu cu aa din ruangmang lai. New Right party hruaitu Naftali Bennett cu Israel cozah PM si dingin June 13 (Zarhpi ni) ah biakamnak a tuah cang.
Bennet cozah cu Natanyahu ukhruainak donghter dingah ruahnak aa khatmi party 8 fonh in sermi Fontonh Cozah (Coalition Government) a si. Bennet hi kum 49 lawng a si rih. Natanyahu he ramkhel ah kuttlaih in a kalmi an si. Kum 2019-2020 chung Defense Minister a tuan balmi zong a si.
Bennet nih kum 2 PM a tuan lai i cu hnuah kum 57 a simi Yair Lapid nih a chawn ve lai. Lapid hi kan hnu March thla thimnak ah Natanyahu khawh in vote tam bik a hmutu a si.
Tutan Fonhtonh Cozah ah Arab party a simi Ra’am zong aa tel ve. Cucaah cozah thar nih Israel ramchung Arab miphun hna thatnak zeimawzat a tuah lai tiah zumh a si. Israel ram milu 20% hi Arab miphun an si.
Relchap : Ralzaam hna himnak hmunah a hruai hna lio ah a nunnak a liammi Bawino Si Phe Ruak Thlah Nak
Kayinni ramkulh ah ralzaam mipi hna humhim in himnak hmun ah a kalpi hna lio ah ralhrang kut in June 11 ah a nunnak a liammi Kayinni ralkap Bawino Si Phe ruak cu nihin June 14 ah vuinak an tuah.
The Chin Post
Leave a Reply