Kachin ramkulh, Mansi peng chungah tuzing suimilam 7 le cheu hrawnng thawkin KIA le Ralhrangbu kar ah i kahnak a fak ngai, rallokap lei nih Meithal ngan in an kah hmasa hna tiah theih a si.
“Zinglei 7:30 hrawngin an i kap mi a si, Suimilam 8 ah rallokap lei nih Meithal Ngan in an kah hna, Mansi khuachungah a si lo, Khua leng Kyawkhongmangphuah, Madangyang lei a siin ka ruah, Mansi he cun tlawmpal a hlat pah. Bhamo in a tutiang meithal thawng theih khawh a si rih ko” tiah an chim.
Mansi peng i LIB 319 zong nih KIA um nak lei ah Meithal Ngan le an kah ve tiah theih a si. A thi mi le ma pu mi um le um lo belte theih a si rih lo.
Relchap : Ralhrangbu nih an i cit mi Tilawng an kah
Ralhrangbu nih an i cit mi Tilawng an kah Ralhrangbu rallokap pawl an rak i cit mi Pauktang tiah auh mi Tilawng dot hnih cu May 11 zingka ah Shweku Ngabawa pawng ah KIA nih an kah tiah theih a si.
Nihin suimilam 7 hrawngah Ayarwaddy tiva bitnak ah Meithal ngan he an kah caah Tilawng Set lei an khen–”Tilawng cungah rallokap pawl zong nih Meithal Ngan pathum le Meithal fa mi pawl in an kah. Tilawng hnulei zong an khen, Rallokap lei hma pu mi an um nain, dir lo in an kai chih tiah” a hmun um mi pa khat nih a chim.
Kan hnu May 7 zong ah Shweku lei a kai mi ralhrangbu Tilawng pahnih an kah hnuah a tli mi Tilawng khaltu pawl cu rallopkap nih an tlaih than hna i tuzing ah an rak kai tikah an kah than mi a si tiah theih a si.
Meithal thawng nih Zinbo khua mi tarpa pakhat kum 60 hrawng cu a lungzawt nak a puang i a thi tiah a hmun um mi an chim.
Mah Tilawng nih Facang tun 1000, ei din le rallomap pawl a phurh tiah theih a si.
Credit The Chin Post
Leave a Reply