Kalay Ralhrangbu Umhmun 3 PDF Nih Bomb In An Puah Sagaing , Kalaymyo ah a ummi ralhrangbu Ration storage force, Regional Operation Command le Kalay Myoma palek riahbuk hna cu Kalay PDF hna nih August ni 15 zan suimilam 7 le cheu hrawngah time mine in an puah tiah theih a si.
Time mine hi hmun 3 ah puah dingin kamh a si i, hmun 2 cu timh bantukin an puak nain Myoma palek riahbuk ah puah ding mi cu a va kamh tu pa nih an kamhnak ding hmun a phanh tlai ruangah lam ah a puak tiah theih a si.
A kamh tu ding hi mawtaw cycle he a kal mi a si. Bomb hi suimilam tem tah cia in cycle he kalpi a si i, a phor tu pa cu a nunnak a liam, cycle zong a rawk dih tiah PDF chungtel pakhat nih a ti.
Tunai ah ralhrangbu mawtaw cu Kalay PDF nih bomb in an puah ruangah ralhrangbu 3 an thi, 6 hma an pu. Nihin zong Magwe leiin ralhrangbu 300 hrawng Kalay leiah an rak kai tiah PDF hna sin in theih a si.
The Chin Post
Leave a Reply