Kani Pengah I Kahnak Voi 14 A Chuak Rallokap 50 Leng, An Thi Sagaing ramthen,Kani pengah mipi vengtu ralkap le ralhrang rallokap thlakhat chungah voi 14 i kahnak a chuak i rallokap lei in 50 leng an thi tiah theih a si.
April thla le tu thla May thla chungah Kani pengah i kahnak a can hi a si.” Hi kahmun ah i kahnak hi voi 14 a chuak, voikhat hi cu khatlei le kahtlei i kapnak a chuak i khatlei in an kir,hi keilei zong an kir,hi bantuk dirhmun zong a um.mah chungah a fak bik i kahnak hi Lapuh kahdohnak hi a si” tiah Kani peng mipi venghimtu tuanvo ngeitu pakhat nih a chim.
April a zarhhnih nak ah a cangmi Lapuh kahdohnak ahhin ralhrang lei nih hriamngan zong an hman,“Lapuh i kahnak hi Kani peng ah a fakbik i kahnak a si hliamtuar an tam, kanmah lei zongin pahnih le rallokap lei in 40 chungah 30 an i hliam, hliamtuar mi hna zong sii inn ah a thi mi an um tiah ” a chim chap.
A luancia mi zarh ah a cangmi Kani penf Chin Dwin tiva i kahnak ahhin ralhrang tilawng tiang kan kah tiah a chim chap.Hi tilawng kahnak ahhin rallokap tampi an thi i,mipi lei zong pathum kan thi ve.Kani peng i kahnak ahhin khua 50 in mipi vengtu ralkap i fonh mi a si, a tu lio hi ralhrang lei nih Kani khua telh in khua cheukhat ah umhmun an khuar caah Kani peng in mipi 15000 leng ralzam dirhmun in an dir tiah theih a si.– Than Lwin Khet News
Leave a Reply