Kawl Ralkap Nih Hluttaw Palai Pu Ral Hnin Inn An Chuh, Chinram Ah Inn 4 An Chuh Cang Hna

2022 January 19. Chin Ramkulh Falam peng NLD Hluttaw Palai Pu Ral Hnin inn cu Kawl ralkap nih January 19 zing ah kan chuh cang, tiin ca an benh/tar. Aluancia 2021 October 30 lio ah Dr. Salai Lian Hmung Sang (Federal Affairs Minister-NUG) a inn (Hakha CHRO zung) zong an rak chuh. Cun, 2021 November 2 lio ah zong ah Hakha Cawbuk Sang um Rev. Van Cem in siseh,

2022 January 12 ah CNLD Hluttaw Palai Pu Siang Mang in (Hakha Cherry lam sang) zong an chuh. Kalaymyo peng Sanmyo um Pyithu Hluttaw Palai Daw Siami inn le Kalaymyo peng Hlaingthayar um Ramthen Hluttaw Palai Daw Thant Wai Kyaw inn hna zong an chuh hna, tiah kan theih. Credit: The Hakha Times

Relchap ding: Satan Hnatlakpi Mi Le Cohlanmi Ralhrang Doh In A Cihmih: Winston Churchill: Ralhrang Hitler Doh awk ah Satan he hmanh kan tanh ti ko lai. Pu Laldenga: Ka Inn meikangh mi hmit awk ah Ti thur le Ti Nawi zong ka hmang chih ko lai. Ralhrang MAH le Rallokap Doh: Mikip kan kokek rian asi. Kawlvai, Kala, Zomi, Mizo, Mara tbk he dohti khawh lonak lam a um lo.

CNA, CNDF, CDF – Senthang, CDF – KKG, PDF, YDF, tbk he dohti khawh lonak lam zeidah a um? CNA / CDFs he a tanh tti khawh lo mi: ZRA le Mara Army hi zeilamdah an zulh hnga? Jesuh dang le Khrih dang caah maw ram an khel? Pumpak le Party pawl hi tah? Winston Churchill cu Hitler thlakin Cihmih kha a hmuitinh asi.

PDF cu MAH le Rallokap thlakin cihmih kha a hmuitinh bik asi ve. Democracy an i za, Kawldan Federal tiang lawng. CNA, CNDF, CDFs, Chin PDF hmuitinh bik cu: Mah tein khuakhan Lairelnak le Zalennak a hlei in aatel. Chinram le Chin Miphun Duhdimnun le Damnak tlamtlin aa thilh chih. Lucifer Satan hmanh nih Saya a ti ding mi, Khawchia hmanh nih,

Ka Bawipa le ka kawi le hna ati mi, Ralhrang MAH le Rallokap ansi. Nannih nih CAN, CNDF, CDF soisel le thangchiat lawng lawng na rianh i naa timh mi hi; MAH nakin tihnung deuh nasi ko lo maw? Ralhrang pennak thlak awk ah Satan zong sawmh asi i, ti nawi le tithur zong kan hmang hna nak lakah,

Nangnih CAN, CNDF, CDF ah na tanh duhlo mi hi, ka dik ko na ti rih ko maw? Chinram dam tertu siloin, Chinram zawtnak Rungrul le rai chiathru, Chin Virud bak nasi ko. CAN, CNDF, CDF nak in cun, nai za khawh deuh men. Winston Churchill le Laldenga tlukcun; na fim lo hrim hrim. Credit: Joseph R. Thang