Kawlram chung ah emergency eiding bawmhnak dollar sing 4 man Japan ram nih WFPF in nihin ah a pek…Japan thawng hlat tu Yuki Kitazumi cu kawlram ralhrang rallokap nih thlah piak a si ni ah Japan ram i bawmhnak pek kong cu Japan Minister of Foreign Affairs le WFP hña nih an chuah.
A tu thil cang mi chung ahhin Yangon ramthen i sifak harsa mi , mipi hña lei in ei ding kong kau ah ruah lo piin le fak ngai in harsat nak a tong kho mi si tiah Japan Minister of Foreign Affairs Toshimitsu Motegi nih a chim.Cu sifak harsa mi hña caah an herh bik hnga ding mi , ei ding kong le hnipuan fanheih ,um nak kong ah sikhawh tawk in kan i zuam tiah Minister Motegi nih a chim.
Asinain a tu bantukin emergency bawmhnak kan pek ahhin Kawlram ralhrang hramhram riantuan nak ngol colh ding , tlaihkhih a tong mi vialte a ran nak in thlah piak ding le democracy ngah nak ding ah nawl nak kan tuah cuahmah rih ko tiah Minister Motegi nih a chim.
Kawlram chungah ralhrang nih nawlngaih nak an lak mi cu lehrulh cham ai in Japan cozah nih bawmhnak thar pek chap lo in ka ngol lai tiah March thla dih lei ah khan an langhter hnu ah a tu WFP in bawmhnak a pek hi a si.Japan ram nih, cu bawmhnak in cun Yangon ramthen chung minung 600,000 hrawng bawmhnak ka pek khawh lai tiah WFP in nihin cathanh ah an langhter.
Kawlram chung ah a hlan kaanh ten harsatnak, Covid-19 zawtnak ruang le a tu rambuai nak hña ruangah a ra lai mi thla 6 chung ahcun minung nuai 3.4 , a hlei bik in khua chung um mi hña caah harsatnak an tong kho tiah WFP nih a zumh .sources:VOA, credit; chin post
Leave a Reply