Khamti ah Pengkomh Uktu nupi Palek nih minung palh in an kahthah
Nizaan November 21 zaanlei, Sagaing Ramthen, Khamti ah Pengkomh uktu (Khayaing Ohchohzihmu) Nupi Daw Nyunt Nyunt Win cu Palek nih meithal in an kah i a thi, tiah theih a si.
Daw Nyunt Nyunt Win hi amah tein motor aa mawngh i Palek sakhaan hnurchih in a kal. Palek nih an dirter nain a duhlo i meithal zuun 15 in 20 kar hrawng an kah hnu ah motor a dir i an vung zoh cu an Pu Khayaing Ohchohzihmu nupi a rak si, tiah ရှမ်းနီအသံ nih a tial.#PhotoCrd Cred : The Hakha Time
Relchap : Chin MMA arfi Joshua Van Bawi Thawng Nih Teinak A Hmuh Than
Vawleicung MMA organization ngan bik, UFC he pehtlaihnak a ngeimi Fury Fighting Championship 54 ah Joshua Van Bawi Thawng nih teinak a hmuh than. Joshua nih hin Second round dih lai te ah a thuatpi mi Chase Eastham cu TKO(Technical knockout) in a tei. Tutan hi professional MMA a luh hnu in voi 2 nak ah teinak hmuh than a si. Tuzing November 22, 2021 Fury Fighting Championship 54 prelims card ah Joshua Van Bawi Thawng le Chase Eastham hi Flyweight bout ah an i thua.
An i thuat hramthok ka in Joshua nih hin a dawi peng. Kickboxer tha Joshua nih hin round 1 nak dih lai ah tlu lak a thongh, Joshua nih a knockout rua a ti nain, round dihlainak ah second tlawngpal lawng a um caah referee nih fight a donghter lo. Chase aa hrim manh i, round 1 nak a dih ve colh. Round 2nak an thok in Joshua nih a dawi than colh. Joshua nih Chase a thluk hnu ah in a thuat chih nain Chase nih a ke in a rak ceh ve, nain submission game ah lut kho lo in a thlah than.
Round 2 nak a dih hlan ah Chase a baa cang, Joshua nih a nam chih peng caah a celh ti lo, Chase nih Joshua ke tlaih a timh nain, Joshua nih a rak thongh chih ca ah referee nih ‘a za cang’ tiah puai a donghter. Joshua nih Technical knockout in a tein, ‘Performance of the night’ laksawng zong a co. Joshua hi MMA amature ah voi 4 teinak a hmu i, professional MMA ah voi 2 teinak a hmu cang, voikhat hmanh a sung rih lo.
The Chin Post
Leave a Reply