Khuaruahhar Teinak Muithlam: Chin Miphun Va Vokok Tamp Yangon Khualipi Chung Ah A Voikhatnak Bik An Phan: Yangon khualai Theingyi Bazaar ah Chin miphun nih kan sungsak ngaimi Chin Miphun Va (Chin National Bird) Vokok tampi hmuh a si tiah nihin ah thawngpang a len. Yangon khualipi chung tu bantukin Vakok an phan hi a voikhatnak a si ti si.
Spring Revolution ah hriamnam i tlaih in ral a doh hmasatu cu Chin ramkulh kan si. Chin ramkulh ah aa thokmi Dohthlennak cu a rauh hlan ah Yangon khualipi tiang a phan lai i teinak kan hmuh hrimhrim lai timi hmuhsaktu a si. Teinak hmuhsaktu vokok an si. Teinak ding tlawmpal lawng aa duh ah, kanmah lei si khawh tawk cio in thazaang chuak in tanti hna u sih. Laknak: Khine May
Thawngpang dang rel chap ding: A nunnak a liammi Demawso PDF ralkap Maung Zin Myo Oo cu nihin ah ruah vuinak program tuah piak a si. Nizan January 24 ni ah, Demawso myone, Sanpiah 6 mile okesu, Hopheih khua kahdohnak ah SAC ralhrang phu lei in hriamnam ngan kahmi ruangah Demawso PDF ralkap chungtel Maung Zin Myo Oo a nunnak a liam i,
Nihin January 25 ni, chun suimilam 1 ah a ruak vuinak program hman a si tiah theih a si. Kantarawaddy Times nih a tarlangh. Kahdohnak ah a nunnak a liammi kum 22 minung, Demawso PDF ralkap chungtel Maung Zin Myo Oo nih tantakmi chungkhar hna an ngaihchiatnak kan hrawmpi i, Federal Democracy ralkap pakhat a sinak upatnak sangbik kan pek tiah PDF- Demawso nih thawngthanhnak an tuah ve.
Hopheih kahdohnak ah offensive in a rak rami SAC ralhrang phu le Kareeni Army (KA), KNDF, DMO – PDF tibantuk mipi ralkap phufonh he kahdohnak a chuak i SAC ralhrang phu lei in raltuknak vanlawng hmang in voi 3 tiang an kah hna tiah theih a si. Demawso myone chung hi SAC ralhrang pawl an cawlcang ngainak myone a si. Ref: Kantarawaddy Times
Leave a Reply