Kia Le Rallokap Kachin Ramkulh Vuanmaw Peng Vuanchawng Khua Pawng Ah An I Kap Hio

Vuachawng Khua Pawngah Rallokap Le KIA An I Kap Kachin ramkulh Vuanmaw peng Vuachawng khua pawngah rallokap le KIA cu tu zaanlei suimilam 5 hrawngah i kahnak a chuak tiah theih a si.Vuachawng pawng meng 13 gate ah April 17 ah KIA nih an kah bel cang hna bantuk in tuzing ka zongah Vuachawng pawngah mawtaw pakhat zong kah a si.:The 74 Media

Thawngpang dang relchap: Tulio kan ram kong ruah ah catial le biachim zong lung ah a chuak ti lo. Kan duhle duhlo zong ah “civil war” lei luh a si ko cang. Kan ram cu aa thleng bak lai tiah zakhat ah zakhat ka zumh nain rammi nunnak belte tam ngai  thap a hau timi ruah ah celh a si lo.

Fimnak a cawng cuahmahmi kan mino, an cauk le cafung kaltak in ramtang ah meithal an itlaih ruah ah lung a fak ko. Abik in hringtu a simi nulepa dirhmun kong ruah ah zeitindah an hngilh khawh lai? Vawlei fim chan, human civilization in, technology chan kan phan kan ti nain Kawlram cu BC chan lio, uncivilized lio dirhmun ah Ralkap nih an kan kirpi. Kan ram ah ni/ Sun a chuak ko nain muinak nih a khuh.

Covid nih Vawleicung/ world dihlak maimom bu tuam in a tuam lio ah kan ram cu Ralkap kut in Mino nunnak an von lak chap tikah, Natural ral he, Human ral he kan tong. Kan tuar a fak ko. CHIN Ram Mino hna zoh tikah Ninja an si ko. Kum tampi Minung thah a cawngmi ralkap cu an duhnak hmun paoh ah an thah cang ko hna. 

Hakha ahhin Ralkap hi 150 in 200 karlak an um lai tiah tuak a si. Hakha ah Ralkap cu an chuakngam setsai ti lo. NUG nih People Defense Force tiah Kawlram pumpi an von dirh cang i, Chin ram caah, Chinland Defense Forces tiah township kip ah an von dirhmi zoh tikah lung a tho taktak. CNF nih fektthup in a dirhkamh ko hna tikah hna a ngam chin chin.

Kan ram caah kan kalnak lam hi, Civil War si ko hmanh sehlaw, caan sau a rau lai lo. 2021 chung ah MAH le a Ralkap cu tlaih viar in, a fakbik thihnak in dantat an si ko lai. Kawl Ralkap hi active member 350,0000 an tling lai lo tiah tuak a si i, tuhi zaam aa bawhmi a ting in an si cang lai. Cucaah, Civil War lei kan von luh bak in Ralkap a zammi lila hmang in MAH cu tlaih a si te ko lai.

Kan ram caah nunnak a thapmi kan Mino hna hi upat lo awk an ttha lo. Cun, vuivai lo tein Mino duhnak le kan ram nih a herhmi kong a theithiamtu nulepa zong upat an co taktak. Kan ram caah kanmah le si khawh ning cio in thazaang chuah rih cio ko hna usih!Source: zasang cinzah