KNU chairman Saw Mu Toe Saepho cathanh chuah mi kong ah Kayin mino phu hna nih an soisel

KNU chairman Saw Mu Toe Saepho cathanh chuah mi kong ah Kayin mino phu hna nih an soisel

KNU lei in ton biaruahnak , NCA zulh phung ning in nawl zulh ding in le ram deihnak cu kilkamh ding ah May 10, nizaan ah KNU chairman Saw Mu Toe Saepho nih min thut in cathanh chuah a si.

Cu kong he pehtlai in Kayin phu hna le, ram caah biatak ten cawlcanghnak ngei mi hna kar ah soisel nak a um.

“Ralhrang rallokap hna nih Kayin mipi hna um nak hmun ah ni fa tin ngawt in kah nak a um i , vanlawng hna in bom thlak an si lio caan ah a tu bantuk in cachuah a si mi hi, Kayin mipi hna neh sawh nak a si , cun dothlennak ding caah a nunnak a liam mi hna cung ah dawtnak zawn ruahnak ngeihlo a si ” tiah Karen Youth Network chungtuan Saw Kyaw Lyin nih a chim.

KNU chairman Mu Toe Saepho nih a mah minthut nak ca chuah mi chung ah ” rambuai nak kong ah hriamnam hmang in riantuan timhtuah a si mi hi ngeihchiat awk ngai a si, ram caah thil tha chuak kho ding mi ton biaruahnak ngeih ding in” a duh nak kong cu a tial.

A tu ah KNU brigade 5 hmun hma chung ah ralhrang rallokap phu hna i umhmun sakhan hna cu KNLA le bawmtu hna nih kahdoh in an lak hnu rallokap lei nih Phapun ramchung Kayin khua pawl cu vanlawng in bom in an kah hna.

“Kan nih cu Kayin mipi hna veng tu phu kan si, rallokap kut tang um mi BGF nih hmai an fon ahcun kahdohnak cu a chuak ko lai hrial a ngah Lai lo” tiah KNU brigade 5 lei in bia chim nak nawl ngei tu tongmangham Saw Kalaydo nih a chim.

Nawlngaih nak la tu ralhrang rallokap hna kuttang ah um mi BGF ralkap hna nih brigade 5 hmunhma chung ah BGF ralkap 600 hrawng an phan tiah theih a si .

Credit The Chin Post